أبو جملين بمليون جنيه.. العملات القديمة كنز ثمين وثروة مش على البال

 
كتير مننا عنده ثروات بملايين الجنيهات ومش عارف قيمتها وكفاية انك تطور في محفظة أو اغراض جدك القديمة ولو لقيت فلوس قديمه يبقى جدك سابلك ثروة ضخمة.. تعالى نقولك ازاي 
 

ناس كتير وخاصة من الأثرياء عندهم هواية وإدمان لحاجات غريبة زي جمع الطوابع القديمة والفلوس اللي اتبعت من سنين ولكن الموضوع خرج من نطاق الهواية إلى التجارة بالملايين عن طريق بيع العملات دي لبيوت المزادات والانتيكات واللي بقى ليها سوق كبير في الوطن العربي وفيه عملات مصرية قديمة بتتباع بملايين الجنيهات.

حسب تجار العملات القديمة جميع العملات اللي صدرت في عهد الملك فاروق مطلوب شرائها الآن في سوق العملات القديمة، ويختلف سعر كل عملة حسب ندرتها وحالتها،  وإن العملات الورقية القديمة هي الأغلى، بسبب قلة وجودها، لأنها بتتلف بسرعة عكس العملات المعدنية.

وهتندهش لو عرفت ان  سعر الجنيه المصري الشهير أبو جملين بيتراوحوما بين 200 ألف إلى مليون جنيه ووصل سعر عملة الشلن الورقي المدون عليها الدولة المصرية، اللي صدرت في السنة الأخيرة في عصر الملك فاروق إلى 40 ألف جنيه حسب حالتها، كما تساوي عملة البريزة المكتوب عليه نفس الكلمة يبلغ سعرها حوالي 40 ألف جنيه أيضا.

وبالنسبة لعملة ريال السلطان فؤاد  فارتفع سعره في الفترة الأخيرة ليصل إلى 80 ألف جنيه، ويشترط أن يكون تاريخ أصدرها 1920 ومكتوب عليها اسم "السلطان فؤاد".
أما عملة النصف الجنيه، ورغم إنها مازالت متداولة في الأسواق المصري، لكن الطلب يزداد عليها من بعض تجار العملات القديمة، وبلغت قيمتها ما يقرب من 100 ألف جنيه مصري، ويسعى التجار وراء الفئات ذات الإصدار القديم اللي بيظهر عليه صورة أبو الهول في المنتصف، أو اللي فيها صورة أبو الهول على اليسار، وهما الأغلى في أسواق العملات القديمة حاليا.

وبخصوص أماكن بيع العملات فهي بتنشر في عدد من الأماكن في مصر، وتم تخصيص محلات لبيع وشراء العملات القديمة في شارع الألفي وعماد الدين وخان الخليلي بوسط القاهرة، في جميع أيام الأسبوع ودا بالإضافة لعمليات للبيع والشراء على الإنترنت وفيه صفحات كتير بتاجر في العملات القديمة.