ولو محتار.. الجمعية ولا القرض

كتير مننا في وقت من الأوقات بيحتاج فلوس عشان يعمل مشروع أو لأي سبب وبيكون قدامه أكتر من طريق لو حد مرديش يسلفه ياإما يروح ياخد قرض من البنك يا إما ياخد قرض من جمعية يا إما يعمل جمعية مع قرايبه أو زمايله أو جيرانه وممكن يحتار يعمل إيه.

هنقولك ايه ميزة كل واحدة من الأماكن اللي ممكن تاخد منها فلوس أولا البنك ميزة البنك إنك ممكن تاخد رقم كبير يوصل لـ5 مليون جنيه بضمانات بسيطة لكن مشكلته إن الفايدة ممكن تكون عالية وناس بتفضل البنك عشان بيحبوا معاملاتهم المالية تبقى سرية.
أما بخصوص قروض الجميعات زي جمعيات رجال الأعمال كده اللي بتدي قروض فمشكلتها إن الفايدة عالية بردو ومدة القرض قليلة لكن فيه نوع تاني من الجمعيات الخيرية اللي بتدي قروض بفوايد قليلة لكن المبلع بيكون قليل والمدة قصيرة.
أما بخصوص النوع الأحير من الجميعات واللي بتكون بين الصحاب والجيران فميزتها إنها مفهاش فوايد خالص لكن مشكلتها بردوا إنه مهما كان الرقم بيكون قليل ماتقدرش تدخل بيه مشروع كبير او متوسط مثلا وإنك بتدفع قسطك كل شهر ودا مرهق جدا لأن البنوك مثلا عاملة سداد القروض كل 3 شهور مثلا.
وكمان بنقولك نصيحة مهمة جدا لو أخدت قرض من أي حاجة من دول إنك تحطهم في مشروع فورا يجيب ايردات شهرية عشان تسدد الأقساط وعشان الفلوس متروحش منك.