حكاية ماكدونالدز مصر.. إزاي دعوة كانت هيدمر 40 ألف مصري
آفة العصر الجهل.. مش حاجة تانية ومشكلة ماكدونالدز كشفت إنتا لسه معندهاش ثقافة اقتصادية ومش عارفة تفرق بين الشركات ولا تفهم اي قرارات اقتصادية لكن اللي بيحركهم مواقع التواصل الاجتماعي وقلة الثقافة الاقتصادية دي كانت السبب في مشاكل كتير جدا في الأسواق ولو عندنا ثقافة وفاهمين القوانين وأنواع الشركات مكنش بقى عندنا أزمة دولار ولا سوق سوداء ولا ظهر في بلادنا المضاربين وتجار العملة وتجار السلع الجشعين لأن محدش يقدر يخدع حد فاهم وكل ما يرفع السلعة يقوله الدولار رفع واحنا تصدقه.. ايه اللي حصل في مشكلة ماكدونالدز وبابا جونز وليه الدعوة حق يراد به باطل
الحكاية بدأت من يومين تقريبا لما فرع مطاعم ماكدونالدز في دولة الاحتلال أعلن عن مبادرة لصرف وجبات ماكدونالدز مجانا لجنود الاحتلال المشاركين في المواجهات مع الفلسطينيين ونزلت الشركة صور وهي بتوزع الوجبات مجاناً.. وبعدها بدقايق طلعت دعوات على السوشيال ميديا قتطعو ماكدونالدز اللي بتدعم الاحتلال والدعوة انتشرت زي النار في الهشيم زي ما بيقولوا وزادت الحملة على الشركة وناس جودا من عندها وكتبت أنها طلبت اوردارات بمبالغ كبيرة ولما الديليفري جابها قفل تليفونهم .
طبعا دي فضيحة اولا عشان مانفودز ماكدونالدز شركة مصرية مليون في المئة وهي ملك لشركات رجل الأعمال الشهير ياسين منصور وهي من أكبر الشركات في مصر وبيشتغل فيها 40 ألف موظف بشكل مباشر أو غير مباشر ، يعني ماكدونالدز مصر طلعت مصرية خالصة وصاحبها مصري وآلاف اللي شغالين فيها مصريين ومكاسبها مصرية وبتدفع الضرايب لخزينة الدولة وكل علاقاتها بشركة ماكدونالدز العالمية إنها بس بتستغل العلامة التجارية بتاعتها اللي هي براند ماكدونالدز واللوجو ودا وغير كده ملهاش علاقة بالشركة العالمية وبنقول عالمية عشان الشركة الأم في امريكا الاسهم بتاعتها ملك لمستثمرين من كل أنحاء العالم ومش بتاعة حد لوحده.
ولما ماكدونالدز في دولة الاحتلال عملت المبادرة دي فهي عملتها عشان شركة إسرائيلية خالصة وملهاش علاقة بردو بالشركة العالمية غير في استغلال العلامة التجارية زي مصر بالظبط وزي ماكدونالدز السعودية ملك لشركات سعوديين، وعلى فكرة ماكدونالدز مصر شغالة ليها 30 سنة في السوق وبتشارك في أعمال الخير والتنمية المجتمعات ودا مش مكانه عشان نقول على أعمالهم الخيرية لانه كله موجود على الإنترنت، بالنسبة للناس اللي طلبت ارودرات ومستلمتهاش أو قفلت تليفوناتها في وش الدليفري دا عمل غير اخلاقي وحرام لانك اتسببت بخسارة كبيرة للشركة والدليفري وكمان تصرف ضد القانون وهيسبب ارتباك كتير في اوردارات الشركة اللي شغال فيها آلاف المصريين وفاتحين منها بيوتهم وياريت قبل نمشي وراء اي حملات على مواقع التواصل الاجتماعي نفكر شوية ونشوف اصل الحكايه.
