آلهة المال وصناعة الأزمات.. تفاصيل الحرب العالمية التالتة ومصر دخلت المعركة
إيه اللي بيحصل في العالم وإيه الوهم اللي بتصدقه الدول النامية ولعبة البنوك المركزية في عالم وفن صناعة الأزمات العالمية وإنعاش صناعات أمريكا والغرب وحكاية التريليونات الللي بيدفعها الغلابة للدول الغنية.
كله وهم في وهم وصراع بياكل في صراع وصناعة خداع من أوله لأخره وخناقة كبيرة بين الدول الكبيرة على خريطة الاقتصاد وحرب مالية واقتصادية بمعني الكلمة وكل حاجة فيها مباحة أهم حاجة الدول دي تحافظ على مصالحها بأي شكل.. دي حقيقة الصراع والأحداث اللي بدور في العالم دلوقتي والناس العادية شيفاها أمر طبيعي لكن كل اللي بيحصل بديره أجهزة مخابرات ومراكز قوى اقتصادية وعائلات مليارديرية وبنوك مركزية وشركات عملاقة ومتهددة الجنسيات وصراع شرس على الأسواق سواء الأسواق المالية أو الطاقة وكله مستباح ودول العالم هي اللي بتدفع التمن.
صناعة الوهم وإشعال الأزمات.. دي محور الصراع الدولي اللي قلنا عليه ببساطة زي مثلا اللي حصل في كورونا وباء جي ومشي ومحدش عرف حقيقته لكن في النص اتباعت لقاحات بمليارات الدولارات في الغرب وأمريكا والشركات ازدهرت والمكن اشتغل والعائلات الأمريكة زادت ثراء.. وفي النهاية محدش فاهم ايه اللي حصل في الغرف المغلقة والمعامل الفيروسية ومراكز اختبارات الشركات العالمية وفي النهاية العالم التالت اشترى اللقاح وهو ميعرفش بياخد إيه,, والحقيقة كلها إن كورونا كان وهم عشان الشركات تشتغل.
وزي كورنا صنع الغرب أزمة روسيا ودفعتها لدخول أوكرانيا لما فتحت لها باب دخول حلف الاطلنطي وهيي متأكدة إن الخطوة هتجنن روسيا وهتغزو أوكرانيا وفعلا دا حصل والنتيجة أمريكا لقت الفرصة أو بالأصح صنعت الفرصة اللي تضعف بيها روسيا وبدأت بالعقوبات المالية وحرمتها من نظام سويفت المالي وجمدت ارصدتها ومنعت تصدير بترولها وخطوات تانية كتير.. ومن ناحية تانية شركات السلاح في أمريكا اشتغلت بكامل طاقتها وبقت تجرب أسلحتها كمان في المعارك مع الأسلحة الروسية في أوكرانيا وإضعاف روسيا هدف سامي للولايات المتحدة عشان تفوق بعد كده لمشكلتها مع الصين واللي كل يوم بتزداد قوة ونفوذ اقتصادي وعسكري وإنها هتصبح الاقتصاد العالمي الأول .
وفي قصة الصين مع أمريكا صراع صنعته واشنطن بردوا ومنعت تصدير الرقائق الالكترونية للصين بعد ماشافت حجم التقدم التقني في بلاد التنين وبدأت تفرض عليها عقوبات لأسباب مختلفة والصين ردت بأكتر من طريقة .
العرب مش بعيد عن الخناقة وليه العرب بقوا طرف أصيل.. عشان حضرتك البترول والغاز وممرات التجارة وشفنا الصراع الصيني الأمريكي على أرض العرب والمنافسة بين طريق الحرير الصيني وممر بايدن الأمريكي وصراع سقف أوبك وليلة كبيرة جدا.
مصر بقت طرف أساسي في الصراع الدولي من أجل البقاء بعد ما رئيسها فهم اللعبة من أول يوم مسك فيه الرئاسة وقال إن مصر لازم تكون قوية اقتصاديا وسياسيا وعسكريا كمان ورقم مهم في التجارة الدولية وعشان كده كان أول مشروع قومي المصريين يصنعوه هو قناة السويس الجديدة وازدواجية الممر المائي الأهم في العالم وبعدها مصر نفذت أكبر عملية بناء وتطوير للبينة التحتية للاستثمار وللتجارة الدولية وإزاي قيمة قناة السويس اضاعفت في العالم بعد افتتاح وتطوير أحدث مواني العالم على البحرين المتوسط والأحمر وازاي اكتشفت الغاز وبقت دول مهمة في تصديره وإسالته في المنطقة ولسه لما يخلص مشروع ممرات التجارة الدولية الجديد في سيناء وربط المواني بأوروبا..
كل دل لو محصلش كانت مصر زمانها بتدفع تمن تخلفها الاقتصادي والمالي والتجاري وكانت هتكون ضحية في حرب الديناصورات اللي شغالة على مدار الساعة بين القوة الكبرى.
