ممر التنمية المصري الجديد ..ايه حكايه مشروع السيسي القادم

ايه حكايه ممر التنمية الجديد داخل مصر وازاي هيضيف نقلة نوعية للاقتصاد المصري على طول وعرض الدولة المصرية وازاي الدولة بتعمل اكبر خطة لاكتشاف ثرواتها في الصحراء وايه علاقة ألمانيا بالمشروع.

طبعا كلنا سمعنا عن مشروع القطار الكهربائي فائق السرعة اللي بتنفذه الدولة لكن كتير مننا مايعرفوش تفاصيل المشروع اللي هينقل مصر في حتة تانية وناس كتير يردوا فاكرة المشروع مجرد خط سكة حديد جديد اسرع شوية من الخط القديم السكة الحديد.. وتعالوا الاول نعرف تفاصيل المشروع.
مشروع القطار الكهربائي السريع هو مشروع ضخم  لإنشاء 4 خطوط لقطار سكة حديد كهربائي فائق السرعة لنقل الأفراد والبضائع في مصر بإجمالي أطوال حوالي 2000 كم، الخط الأول يربط بين مدينتي العين السخنة ومرسى مطروح، والثاني يربط بين مدينتي السادس من أكتوبر وأبو سمبل، والثالث يربط بين مدينتي قنا وسفاجا، والرابع يربط بين مدينتي بورسعيد .. وبسرعته 230 كيلومتر في الساعة هيوصل من القاهره في اسوان في 4ساعات فقط.

أهمية المشروع الضحم إنه بيخلق مسار تنمية وتعمير وتصنيع جديد على طول الظهير الصحراوي في المحافظات اللي بيعدي عليها ودي فكرة المشروع إنه سعيد الحياة للصحراء وعشان كده مسارات الخطوط الأربعة ماشية في قلب الصحراء بالتوازي مع الحيز العمراني ودا كان الفكرة عشان نعمل حاجه اسمها ممر التنمية اللوجيستي من لإسكندرية/ القاهرة/ أسوان/توشكى وزي ماقلنا ممر تنموي غرب طريق الصعيد الصحراوي الغربي ولربط مناطق الإنتاج الزراعي في توشكى وغرب أسوان وغرب المنيا بمناطق الإستهلاك في القاهرة ومناطق التصدير في الإسكندرية، بالإضافة إلى ربط المناطق السياحية اعتبارا من أبو سمبل وأسوان والأقصر وأبيدوس وصعيد مصر بمنطقة الأهرام والجيزة في القاهرة، لافتا إلى أن الخط الثاني يساهم في الربط بين مناطق إنتاج الخامات والمحاجر (أبو طرطور – قنا – أسوان) بموانئ التصدير والحد من التلوث البيئي الناتج عن تشغيل جرارات الديزل.
احنا عارفين إن أي طريق ببشق الصحراء بيكون بداية  اعمار المناطق اللي حواليها ومشروع زي محور القطارات السريعة هيضم آلاف المشروعات زي الزراعة والمناطق الصناعية والإعمار والإسكان والسياحة وليلة كبيرة جدا محتاجة استثمارات بمليارات الدولارات لأن ببساطة دي مصر جديدة هتتبني هتكون موازية للوادي القديم وشوف حضرتك مشروع زي دا لما يشتغل هيستوعب عمالة وشركات قد ايه.

رئيس شركة سيمنز وهي العملاق الالماني اللي بينفذ المشروع قال إن مصر بعد المشروع هتكون من أكبر الدول اللي باستخدام التقنية الجديدة في خطوط القطارات السريعة وإنه قريب جدا هيتم افتتاح المشروع وبعدها هيبدأ بالفعل العمل في اضخم مشروع في مصر وهو تعمير المناطق اللي جمب خطوط السكة الحديد الجديدة ودا هيكون من أضخم المشروعات في ولاية الرئيس السيسي الجديدة.