حدث استناه المصريين شهور طويلة

شهور طويلة عانى منها المصريين من جشع التجار وارتفاع الاسعار من ناحية ومن مفاجأت السوق من ناحية تانية والناس كانت بتذق الايام عشان تمشي لأنها عارفة إن الازمة المرة دي عالمية واستحملت لغاية ماجابت أخرها مع التجار واللي كانوا بيرفعوا الأسعار في كل ساعة تقريبا وحصل زي  سباق اسعار بين التجار وفي النهاية المواطن اللي بيدفع.

أخيرا الحكومة قررت إنها تعمل مبادرة جديدة تحفف بيها عن المواطن وتساعده يواجه الأيام اللي جاية، وكانت الطريقة في خفض اسعار السلع الاساسية بشكل كبير وحقيقي والمرة دي مش بقرار رسمي لكن بمبادرة الكل فيها يفتترض حسن النية حكومة وبنك مركزي وتجار واتحاد غرف..
المبادرة مش جديدة والكلام عليها ليه كام يوم.. لكن الجديد إنه تم الإتفاق بين الحكومة والبنك المركزي المصري والتجار على قيام البنك المركزي والبنوك بتوفير مبلغ 200 مليون دولار شهريا لمبادرة خفض أسعار السلع الغذائية الأساسية.

وحسب معلومات بانكير البنك المركزي هيوجه البنوك بتوفير  المبالغ دي شهريا بالسعر الرسمي، ودا هيساهم بشكل كبير في خفض الأسعار بشكل ملحوظ، وإن توجيه هذه المبالغ هيكون للسلع الأساسية اللي بتهم المواطن العادي.

وحصل تطور في المبادرة وفكرة بتجيب فكرة واطرحت فكرة خفض أو إلغاء رسوم الأرضيات في المواني للسلع اللي هيتم إختيارها ضمن المبادرة والمتوقع تكون في حدود 7 أو 8 سلع رئيسية هي، الفول والعدس والسكر والزيت والألبان والمكرونة والجبنة البيضا والأرز، بالاضافة للإتفاق مع شركات الملاحة العالمية على خفض غرامات التأخير، وذلك للتقليل من التكلفة وأسعار السلع النهائية.

خبرا كتير شايفين إن المبادرة بداية النهاية لجشع التجار وارتفاع الأسعار والسيطرة على الاسواق واتوقعت نزول كبيرفي السلع الاساسية بداية من منتصف الاسبوع الحالي حسب التسريبات من مكتب الحكومة.