إزاي مصر استغلت خدعة الدولار لبناء قاعدة صناعية عملاقة

طبيعي في أزمات في أي بلد وأكيد الكل بيعاني يعني مش إحنا اللي بس اللي شايفين أيام صعبة، ممكن تلقي نظرة على الجانب الآخر هتشوف حروب وزلازال واقتصاد أكبر الدول بقا بينهار لدرجة إفلاس بعض البنوك الأمريكية.

الرئيس عبدالفتاح السيسي كان موجود في الأحداث، أمر وشيد مُدن صناعية واستثمارية وعاصمة إدارية جديدة، وصلح الطرق والمواني وأحدث طفرة حقيقية في كل المجالات وبقا عندنا مستثمرين في كل القطاعات وقدرنا نعدي أزمات كتير ولسا بنعدي.

الفترة الأخيرة كان في أزمة في توفير العملة الصعبة وبالفعل قللنا الاستيراد من الخارج بنسبة كبيرة لحين حل الأزمة وتوفير سيولة دورلاية كبيرة، المسؤولين والحكومة مكنوش عايزين حلول مؤقتة وسطحية، كانوا عايزين إحداث ثورة واستغلال الأزمة لبناء وتشييد مصانع كبيرة وحديثة لصناعات جديدة مكنتش موجودة في البلد بالفعل.

وزي ما بيقولوا فعلا من الممكن أن تتحول المحنة إلى منحة، دا اللي حصل بالظبط من يومين لما تم الإنتهاء من إنشاء وافتتاح أول مصنع لإنتاج إكسسوارات المحمول في مصر وإفريقيا والشرق الأوسط بمدينة العين السخنة.

ومن يومين تحديدًا شهد وليد جمال الدين رئيس المنطقة الاقتصادية لقناة السويس، افتتاح مصنع وادي السيليكون وخط إنتاج العلامة التجارية infinix بالمطور الصناعي "تيدا - مصر" في المنطقة الصناعية بالسخنة، وبيعتبر مصنع وادي السيليكون هو أول مصنع متخصص في مصر والشرق الأوسط وإفريقيا في تصنيع إكسسوارات الهاتف المحمول القابلة للارتداء، منها الساعات الذكية، وسماعات البلوتوث بكل أنواعها، من خلال تشغيل 3 خطوط إنتاج بطاقة إنتاجية 3000 قطعة يومياً لخط الإنتاج الواحد باستثمارات 25 مليون جنيه وبأياد 65 عامل مصري مدرب على أحدث تقنيات التصنيع، لتوفير نحو 150 فرصة عمل في مراحل إنتاجية مستقبلية.

وبلغت استثمارات المصنع تقريبا 2 مليار دولار، وتم إقامته على مساحة 1350 متر المشروع هيكون بداية جديدة لدخول استثمارات كبيرة في المجال دا والمنطقة، المصنع كمان ادي احاز على شهادات الجودة العالمية الأيزو 9001 و45001، ودا لأنه مقام على أحدث النظم التكنولوجية ومزود بأحدث أجهزة الاختبارات والجودة للوصول بالمنتج المصري للمستوى العالمي.