إطلاق مؤشر الجنيه ومفاجأة في الضبعة النووي.. ظهور تحالف ثلاثي جديد في المنطقة.. أخطر نبؤات 2024
على مدار الأسبوع قدمت منصات بانكير قراءات مختلفة وجديدة عن الأحداث الاقتصادية، منها نبؤة الحدث الأكبر في مصر وترشح الرئيس السيسي لانتخابات الرئاسة وأخر مفاوضات ملف صندوق النقد ومخطط التراماودل وإحراق مصر، ونبؤات 2024.. وتحالفات مصر الاستراتيجية في المنطقة، وضربة المركزي ومهمة حسن عبد الله السرية.
أهم تقرير كان معانا الأسبوع دا وهو الحدث الرئيسي في مصر والمنطقة والخاص بترشح الريس عبد الفتاح السيسي في الانتخابات الرئاسية الجاية واللي بتعتبر علامة فارقة في تاريخ مصر على كافة المستويات ومنها طبعا الملف الاقتصادي واللي مصر انجزت فيه قفزات ومعجزات ومشروعات ب 10 تريليون جنيه على مدار أقل من 10 سنين، وفوز الرئيس بانتخابات الرئاسة لولاية جديدة إن مصر هتدخل مرحلة جديدة وفارقة في تاريخ مصر وبيها قفزات تانية هتخلي مصر من أقوى الاقتصاديات في المنطقة ودي توقعات مؤسسات مالية دولية، ودا بردوا بيفسر سر الحملات المضادة على مصر واللي زادت وتيرتها بشكل شرس.
اشمعنا المصريين مش هيفرطوا في السيسي.. دا كان السؤال اللي طرحته وكالات الأنباء والبرامج، واللي اتسألت عن سر الشعبية الكبيرة اللي بيحظي بيها السيسي رغم الظروف الاقتصادية الأخيرة.. والإجابة جت إن المصريين بيتمسكوا برئيسهم لما يحسوا إنه بيشتغل بجد عشانهم وشايفين قدام عينيهم التنمية والعمار والمدن الجديدة والحياة الكريمة والبلد اللي بتتغير للأفضل وكمان لما يكون شخصيته قوية وكاريزما ويحمل لقب زعيم.
منصات بانكير تناولت رسالة السيسي الخفية عن مخطط التخريب وضرب الرئيس مثال عن تسخير المال السياسي لنشر الفوضى في إشارة خفية لأهل الشر واللي اعتادوا تمويل وصناعة العنف والتخرييب والتظاهر الكاذب.
وقال الرئيس لو خصصت مليار جنيه واديت أي حد ظروفه صعبة شريط ترامادول و100 جنيه أو ألف جنيه لمدة اسابيع مقابل إنه ينزل يعمل حالة فوضى، ودا كان تحذير مبطن من السيسي للشعب المصري اللي سمع وفهم الرسالة كويس جدا..
وحدة تقارير بانكير تعرضت كمان لتوقعات ونبؤات 2024.. واللي توقعت ظهور تحالفات مصرية قوية في المنطقة على رأسها التحالف المصري السعودي ويمكن انضمام تركيا باعتبار الدول التلات من أهم دول الشرق الأوسط والاقليم وانهم تربطهم عادات وتقاليد قريبة جدا من بعضهم ثقافيا واقتصاديا وتحالفهم هيعيج تشكيل موازين القوى الاقتصادية في المنطقة مع تنوع اقتصاديات الدول التلاتة ودا حسب تأكيد خبراء الاقتصاد واللي اتوقعوا ظهور التحالف الجديد في 2024.
منصات بانكير عرضت كمان تقرير مهم جدا عن الأحداث السارة اللي هتشوفها مصر في أكتوبر اللي الجاري ومنها تركيب أو قلب مفاعل نووي في مشروع الضبعة العملاق لانتاج الطاقة الكهربائية وكمان انطلاق مؤشر الجنيه المصري واللي هيفرق بشكل كبير جدا في تسعير الجنيه أمام العملات العالمية الرئسية بالاضافة لصدور قرارات اقتصادية مهمة جدا خاصة بالسوق السودا للدولار وتانية لدعم الاستثمار.
من أهم التقارير اللي نشرتها منصات بانكير على مدار الأسبوع اللي فات كانت مهمة حسن عبدالله محافظ البنك المركزي المصري السرية للصين والإمارات واللي كشفت بعد كده عن مفاجآت سارة هتساعد في القضاء على ازمة الدولار وترد الروح للجنيه المصري وعقد اتفاقيات تبادل أو مبادلة العملة المصرية مع الصين والإمارات وفيه مفاوضات مع الروس والسعودية والبرازيل.
زي ما احنا عارفين الدول دي بنتبادل معاها بضائع وتجارة بمليارات الدولارات والصين وحدها ليها حجم تجارة مع مصر ما بين 16و17 مليار دولار في السنة الواحدة، وخطوة مؤشر الجنيه هي أهم خطوة حصلت في قطاع المصارف المصري في 2023 لأنه خد جهد كبير جدا جدا ولأنه هيرفع الظلم على الجنيه وخلاص هيدخل حيز التنفيذ بعد نجاح جولات المصرفي حسن عبدالله في الخارج لاعتماد مؤشر الجنيه قصاد باقي العملات.
ومن بين التقارير اللي نشرناها على منصات بانكير وحسمت الجدل على ممر بايدن التجاري وتأثيره على قناة السويس .. وجي الرد على لسان الدكتور مصطفي مدبولي رئيس الحكومة واللي قال إن قناة السويس مشروع عبقري ملهوش بديل والمشروع اللي بيتم في جنوب القناة دلوقتي قضي على فكرة اي ممر بديل للتجارة العالمية.
