عماد البحيري.. سيد المنافقين ومرتزق أبوه الدولار

باعوا أنفسهم بحفنة دولارات لم يجد الأعداء جهدا في تجنيدهم لهدم بلدهم كيف وقد باعو وطنهم في اقرب ناصية، اغراهم المال والإقامة في الفنادق الفارهة حيث كل الملذات، لم يستحوا ولم تمنعهم حمرة الخجل فصاروا شوكة مسمومة في ضهر الوطن من محمد ناصر لمعتز مطر ولايمكن نور لعماد البحيري تعددت الوجوه والخيانة واحدة.. احتقرهم أعدائهم قبل أبناء وطنهم فصاروا لعبة في يد من يدفع اكثر وعبيد لساداتهم في أجهزة المخابرات المعادية امتطوا دور المعارضين ليحللوا مواقفهم المخزية أمام أبنائهم لعنوا في كل آيات المنافقين.. مرتزقة شعوب في صورة إعلاميين تاريخهم الاسود دليل على ماتضمره نفوسهم من حقد وغل لهذا البلد.. ابوهم الدولار وعقيدتهم الخيانة وملتهم مرتزقة تحت الطلب.. ايه اخر اكاذيب عناصر وإعلامي الإخوان وابواق الإرهاب في الخارج ودعاة الفتنة والتحريض .

بمجرد إعلان الرئيس السيسي عن ترشحه لولاية جديدة في الانتخابات الرئاسية المقبلة أصابت عناصر الإخوان حمى وهلاويس وجن جنونهم مش عشان معارضين لكن لأنهم حسوا إن نهايتهم قربت وإن الدول اللي أوتهم في البداية ووفرت ليهم كل حاجة والأجهزة اللي نزلتهم هتتخلي عنهم وهتطردهم طردة الكلاب زي ما بيقول المصريين لأن الخائن ملهوش سعر ومعندهوش كرامة عند أسياده وهو كان أداة لوقت معين عشان يهاجم بلده ولما الظروف السياسية اتغيرت مع مصر بقت أيامهم معدودة في المنفى الاختياري.

جنون الإخوان زاد ووصل لمرحلة العته لانهم مش لاقيين حاجة يعملوها ومعملوهاش عشان يشوهوا الرئيس السيسي والدولة والحكومة .. فيديوهات وفبركوا . وتحريض وحرضوا ..وتقزيم وتشويه مخلهوش في نفسهم حاجة ورغم كده المصريين متمسكين بالسيسي لآخر لحظة ومش لاقيين حاجة يقولوها تاني غير صناعة الكذب، كانت البداية أكاذيب واشاعات إن الانتخابات محسومة للسيسي واللي بيقصي منافسيه وقفل عليهم باب التوكيلات لغاية ما شهد شاهد من اهلها ونشرت شخصيات معروفة إنها حررت توكيلات لمرشح منافس في اقل من 5 دقائق ومن غير مضايقات ودا خرس الإخوان وأخواتهم في الخارج ومش قادرين يستوعبوا إن السيسي مطلب شعبي ومش محتاج يضيق على منافس مغمور كل خبرته في السياسة كانت صريخ في مجلس النواب.

الإخواني عماد البحيري واحد من اللي باعوا نفسهم للشياطين مقابل حياة مرفهة مليئة بمالذ وطاب حيث الدولار والماء والخضرة والوجه الحسن في بلاد التآمر وخلي بالك من الوجه الحسن لأن فضايحهم الأخلاقية وعلاقاتهم النسائية محل اتهام وتحقيق في الخارج واللي فاكرين النضال بيبدأ من غرف النوم.. المهم البحيري طلع وقال إنه بمجرد السيسي ما أعلن ترشحه تصنيف مصر انهار والبورصة وقعت والدولار رفع..

طبعا كلامه ينم عن جهل مركب في الأمور الاقتصادية وأنه فاضي وفارغ ومعندهوش حاجة يقولها، وهنا نحب نقول للبحيري المرتزق إن لو مصر بتصدق تقارير المؤسسات الدولية كانت زمانها بتشحت ومفهاش ولا دولار ولا مستثمر وكلنا عارفين وبالادلة أن التقارير دي مجرد توقعات بدس السم في العسل والغريبة إن معظم التقارير دي بتحذر في الأول من خطورة الوضع في مصر وفي آخر التقارير بتشيد بقدرة الاقتصاد والإجراءات اللي خدتها الحكومة عشان تعدي ونفس التقرير اللي استشهد بيه البحيري بيقول إن مصر هتتلقى تمويلات من الخارج وخاصة الخليج وكمان هتحول ديونها لاستثمارات وان صندوق النقد الدولي توقع تراجع نسبة الدين الخارجي للناتج المحلي لأقل من035% ودا وضع آمن جدا للديون واللي بتوصل في بعض البلاد المتقدمة ل70% من نسبة الناتج المحلي لكن البحيري ابيض ياورد في قصة الاقتصاد ومش فاهم حاجة.

وبخصوص مصداقية وكالات التصنيف والبنوك الكبيرة نحب نقولك أن وكالة موديز العالمية صنفت اقتصاد فرنسا بالسالب من كام شهر ورجعت الحكومة الفرنسية هددت الوكالة علنا وفي وسائل الإعلام كمان وكانت النتيجة الوكالة خافت وعملت التصنيف الفرنسي وسلملي على الشفافية والمصداقية.

وطلع البحيري وكدب وقال إن الدولار الآجل أرتفع ودا من وجهة نظره دليل على انهيار مصر اقتصاديا ومجبش سيرة استقرار اسعار الصرف من شهور وزيادة التدفقات الدولارية ولا خد باله من الاستثمارات اللي نازلة ترف على المنطقة الاقتصادية في قناة السويس وكان آخرها امبارح صفقة بنص مليار دولار لإنشاء محطة حاويات جديدة والنهاردة صفقة مع ميركس عملاق النقل البحري العالمي ب3 مليار دولار للمرحلة الأولى بس في إنتاج الطاقة النظيفة وصناعات أخرى يعني ياعم المرتزق الدولار بيزيد في مصر مش بيقبل.. أما بخصوص قرض صندوق النقد الدولي فلو الحكومة عايزاه كانت خدته بجرة قلم ونفذت اللي فيه لكن وقف بأمر السيسي شخصيا لما لقي إن اثاره هتبقى صعبة على المواطن.. وسبحان الله الإخوان كانت بتهاجم لجوء الحكومة للصندوق باعتباره بيخرب أي دولة ولما الحكومة وقفتله هاجموا الحكومة وقالوا الدولار هيوصل 100 جنيه لكن النفاق لايعرف الحياء.

وبخصوص انهيار البورصة يابحيري فأنت اعمى ومخدتش بالك أنها كانت أعلى البورصات ربحا في الأسابيع الماضية وفي المنطقة كلها واتفوقت على البورصات الخليجية وجنت أرباح قياسية وغير مسبوقة والبورصات بتطلع وتنزل كل يوم في العالم كله بفعل الظروف الدولية وخاصة بيانات الفدرالي وأسواق الأسهم والعملة لكن علاقتك بالبورصة زي علاقتك كده بالضمير المهني معدومة.
الإخوان ومعاهم البحيري مشفوش اي انجاز في مصر ومش بيسلطوا كاميراتهم غير على سلبيات بتحصل في كل دول العالم، لكن هتعمل ايه في ناس طبع الله على قلوبهم وانساقوا وراء الخبيث والشر والفتنة والطعن في ضهر بلادهم.