مشروع بوابة العالم.. ايه اللي بيحصل في بورسعيد

 
من حوالي 30 يوم أعلنت شركة قناة السويس للحاويات إنشاء محطة حاويات تانية بقيمة 500 مليون دولار مرة واحدة يعني نص مليار دولار  والنهاردة تم البدء في إجراءات التمويل لبناء المحطة العملاقة.. دا الفرق بين مصر زمان ومصر دلوقتي .. زمان كان المشروع ياخد سنين عشان يتعمل بسبب الروتين والبيروقراطية وفي الاخر يفشل عشان ملحقش يتطور مع السوق النهاردة في خلال أيام المشروع بيدخل مرحلة الانشاء ودا اللي اختلف في مصر من 10 سنين لما بدأت تفكر بفكر العالم المتقدم مش فكر العالم التالت وعرفت قيمة الوقت وازاي ممكن مليارات استثمار تهرب عشان خطوة أو ورقة مخلصتش أو موظف عطلها وتروح لسوق غيرك جاهز ومعندهوش مشاكل ودا الجديد دلوقتي الوقت والمنافسة مابيرحموش ياتلحق ياتقعد مكانك.. ايه اللي بيحصل في مصر دلوقتي وازاي رجعا تجري زي الصاروخ من جديد.
.

مصر الحقيقة ولاول مرة من سنين طويلة تعرف تدير ملف الاستثمار بشكل صحيح ومش شرط تكون عندك فرص استثمارية كبيرة وجذابة بقدر ما يكون عندك إجراءات وتسهيلات وتقنية وبنية تحتية عشان المستثمر يجي عندك ويشتغل براحته وهنضرب مثال لحضراتكم مصر عندها مقومات سياحية ملهاش مثيل في العالم شواطئ فيروزية وآثار وموقع وطقس ممتاز ورغم كده مقدرتش تنطلق بالقطاع السياحي زي فرنسا مثلا اللي بيزورها اكتر من 80 مليون في السنة أو إسبانيا ودا عشان مصر مكانش عندها بنية أساسية واستثمارية وفكر اقتصادي يستوعب مليارات الدولارات اللي بتلف العالم تدور على مشروعات ودا كله اتغير دلوقتي وقدرت الحكومة تتعاطي مع الملف المهم دا بإجراءات ثورية قادها الرئيس السيسي نفسه وأشرف بنفسه على ملف الاستثمار.

نرجع بقي لقصة شركة قناة السويس لتداول الحاويات وعشان نبقى فاهمين هي عبارة عن شركة مملوكة بنسبة 55%، لشركة تابعة لمجموعة إيه بي مولر ميرسك، و20% لشركة تشينا أوشين للشحن “كوسكو”، و10% لهيئة قناة السويس، و5% للبنك الأهلى، و10% لشركات مصرية أخرى وأفراد بحصص أقل من 5%.
وقدرت هيئة قناة السويس تجذب عملاق النقل البحري ميرسك للاستثمار في منطق  قناة السويس ومن هنا جت فكرة المحطة المحورية اللي المفروض هتكون بوابة شرق بورسعيد للأسواق الخارجية.

واخر تطورات مشروع محطة الحاويات الجديدة باستثمارات نص مليار دولار زي ماقلنا إن  مؤسسة التمويل الدولية، وهي الذراع الاستثمارية للبنك الدولي لاستثمارات القطاع الخاص، قررت تقديم تمويل بقيمة 175 مليون دولار، كقرض شركات لتمويل توسعات شركة قناة السويس للحاويات، بحسب الموقع الإلكتروني للمؤسسة.

وقالت المؤسسة إن التمويل هيروح لتصميم وتدشين وتشغيل توسعات مساحتها 48 هكتارا لمحطة الحاويات القائمة البالغ مساحتها 120 هكتارا لتصل جملة مساحتها 168 هكتارًا بعد المشروع. وأضافت أن الشركة ستكون مسئولة عن طرح المناقصات وإدارة البنية الفوقية والتي تشمل تمهيد الأرضية والرصف، وبناء الساحة، وتوفير مرافق ومعدات الدعم، ويشمل ذلك توريد 12 رافعة جسرية من السفن إلى الشاطئ، و30 رافعة قنطرية متحركة بإطارات مطاطية، وأسطول من 90 شاحنة، و5 رافعات فارغة، و4 رافعات وصول.

و مؤسسة التمويل الدولية، عنده محفظة تمويلات في مصر بقيمة 1.3 مليار دولار في العديد من القطاعات ذات الأولوية مثل الطاقة المتجددة، والإنشاءات، والقطاع المالي، والصناعة، والتعليم، والصحة.