انهيار الصناعة وهروب الاستثمارات.. هدم "أكذوبة" الإخوان في الفيديو دا

هل الاستثمارات بتهرب من مصر؟اية اللي الدولة شغالة عليه دلوقتي في ملف الصناعة؟اية هي حقيقة انهيار القطاعات المركزية

من حين لـ آخر بتسمع كلام مكذوب من أبواق الجماعة الإخوانية.. واللي بتأكد دايمًا إن الاستثمار هرب برة البلد.. وقطاع الصناعة في الحضيض.. وكلام كدا لا مستند على إحصائيات ولا مستند على وقائع ولا حقائق.

الحقائق بتقول إن نتائج التنمية والعمران وتمهيد الطرق لتسهيل عملية إمداد المصانع بالمستلزمات ومن ثم زيادة الاستثمارات .. بدأت في الظهور.. وعلشان كدا الأسبوع اللي فات.. شركة ألومنيوم البحرين.. ودي من أكبر الشركات في صهر الألومنيوم وصناعة منتجاته..  واللي بتتفاوض دلوقتي مع هيئة التنمية الصناعية علشان يتم إنشاء مصنع لإنتاج البوكسيت ودي المادة الخام للألومنيوم.. ومكان المصنع دا مفروض يكون في سفاجا على البحر الأحمر.

وحتى الآن لم يتم تحديد المبالغ المالية اللي هاتدفع في الصفقة دي

ومع نفس الهيئة.. بيتم حاليًا التفاوض بين هيئة التنمية الصناعية برضوا وشركة الإمارات للألومنيوم.. ودا لإنشاء مصنع في مدينة نجع حمادي،  بغرض التصدير.

إحنا هنا بنتكلم عن استثمار أجنبي مُباشر خليجي.. ودا مش استحواذ على حصص في شركات قائمة.. دا حد شايف إن المناخ والبيئة عندك صالحة لإنشاء مؤسسة خاصة بيه.

من ناحية تانية.. عندك شركة مصر للألومنيوم ودي مملوكة للدولة.. واللي بتدرس انشاء مصنع في مدينة سفاجا برضوا، باستثمارات حكومية بتوصل لاكتر من ١.٩ مليار دولار، ودا يعتبر توسع حكومي بالتزامن مع التوسع في الاستثمار الأجنبي.

كمان  شركة إيفا فارما الخاصة المصرية .. في الوقت الحالي بتتوسع في الخارج خاصة في المملكة العربية السعودية.. وبتعمل على إنشاء مصنع جديد لأدويتها باستثمارات ١٣٣ مليون دولار، ودا قطاع خاص مصري، موجود في السوق بقوة وكسب منها، وخارج يتوسع لأسواق شديدة المُنافسة في الخارج.

كمان بنشاور على اللي بتعمله شركة إعمار للتنمية الزراعية المصرية الخاصة..  واللي على وشك الانتهاء من بناء مصنع إنتاج الأسمدة بطاقة إنتاجية تتراوح ما بين ٢٠٠ ل ٣٠٠ طن في اليوم بغرض التصدير، ودي شركة قطاع خاص مصرية بتوزع مُنتجاتها في الداخل.. وبالمناسبة هي عندها مصنعين واحد في وادى النطرون وواحد في قويسنا، وبتتوسع بالتالت دلوقتي.

اللي عايزين نقوله. هو إن الدولة شغالة في كافة الملفات بقوة وبتعمل على توسيع النشاط الاقتصادي.. وادعاءات الإخوان كلها كذب.. لإن إحنا أمام وقت الحصاد بعد سنوات من التأسيس والمتهيد.