القاهرة تكسب دبي.. العرب يتدفقون على تحفة المعز .. فيها سر

الشوارع ليها روح والحيطان فيها سر والقناديل القديمة ليها ريحة زمن جميل، عالم سحري مهما كان انبهارك بالحديث هتحن القديم وتعيش جواهر في رحلة مش عاوزها تخلص... قاهرة المعز من البلاد اللي الزائر والساىح وعابر السبيل والترنزيت مش عاوز يسيبها ويزعل لما رحلته تخلص وكأن فيه حاجة جواهر بتقوله خليك.

لو مشيت في شوارع المعز والخليفة والحسين والسيدة وروحت زرت المساجد والكتاتيب ومتاحف الغورية  والأزهر ووكالات التجارة العتيقة والحارات والأسبلة والحانات هتلاقي سر القاهره القديم ومع اللي بيحصل دلوقتي من تطوير القاهرة الإسلامية وإعادة التخطيط هتكتشف انك في عالم سحري وفي قلب العصر الإسلامي القديم مماليك وترك وعجم وعرب وفاطميين وال البيت.

القاهرة الفاطمية عاملة حالة خاصة اليومين دول على سوشيال ميديا وكل البلوجرز العرب بيتكلم عليها ونشروا زيارات ليهم في القاهرة وقد ايه هي جميلة وفيها روح وروحانيات واسرار تفهمك قد ايه البلاد دي عريقة واد ايه فيها كنوز مش موجودة في العالم كله والغريبة إن البلوجرز العرب وخاصة السعوديين عملوا مقارنة بين القاهرة ودبي واسطنبول والقاهرة كسبت الرهان في جمال الجو والطقس العليل وأسعار المطاعم والفنادق والي بتقل أكتر من 50 في المئة عن اسعار دبي واسطنبول ودا غير جمال الأكل وطعامته وفخامة الفنادق واسعارها الأرخص وقال البلوجرز أن اغلى أكلة في مصر في مطعم كبير ممكن تكلفة مايوازي 50 ريال سعودي  ولو اكلها هي نفسها في السعوديه هتكلفه 500 ريال.

والبلوجرز قارنوا بين اسعار وطقس وروح دبي والقاهره وكانت النتيجة أن القاهره تكسب وعشان كده شايفين إن مصر هتبقى قبلة العرب في القطاع العقاري وبدل ما بيقول سياح هيشتروا عقارات عشان يبقوا من أصحاب البلد