البنك المركزي المصري ينتقل للهحوم.. خطة حسن عبد الله لدفن الدولار
هو ايه اللي بيحصل في البنك المركزي المصري اليومين دول، وايه سر تحركات رئيسه حسن عبد الله في الصين والإمارات وايه حكاية الاتفاقيات الجديدة وعلاقة دا باللي حصل نهاردة في البريكس
المصرفي المخضرم حسن عبد الله محافظ البنك المركزي كان أهم الحلول أمام مؤسسة الرئاسة والحكومة لمواجهة ازمات سوق الصرف وزيادة الضغوط على الجنيه والفجوة الدولارية وغيرها من العواصف اللي هبت بعد اجتياح روسيا لأوكرانيا واضطراب حركة المال والأسواق عالميا وتأثر مصر الشديد بالأزمة بعد هروب الملياارت الساخنة وارتفاع أسعار السلع وعودة السوق السودا، والحقيقية المحافظ حسن عبد الله امكن اكتر المسئولين اللي بيتعامل مع كل الأزمات الخطيرة بهدوء غريب ودا سر قوته لانه مش بينفغل ولا بياخد قرارات متسرعة ولا عنترية تضيع البلد معاها.
كل الشهور اللي عدت أثبتت إن عبد الله هو الاختيار الصحيح في الأزمة، ودا ظهر من خلال معالجة البنك المركزي لكل الازمات اللي عدت على البلد بخصوص الماليات وسوق الصرف والدولار والعملات ومن واقع كان بيقول إن مصر رايحة في سكة الانهيار وهتوقع ومش هتقوم تاني لاستقرار في الأسواق المالية ومرونة في إدارة العاصفة ونجاح كبير في ازاحة الخطر اللي كان موجود وباقي لمسات صغيرة والأمور هترجع أحسن من الأول، وبالعكس الازمة المالية كان ليها فوايد كتير جدا وهي إنها ادت الفرصة للمركزي والحكومة لابتكار حلول كتير جدا لسوق المال وكمان حلول بعيدة المدى مش هتخلي الأزمة دي ترجع، ومثلا مصر دخلت البريكس بسبب ضغط الدولار ودي نقلة نوعية في المستقبل القريب وكمان مصر قررت توطين الصناعة وترشيد فاتورة الاستيراد ودي حاجة مهمة جدا.
كمان أزمة الدولارخلت الدولة تسرع برامج التصدير وتنمية موارد النقد الأجنبي زي ما حصل من مشروعات في السياحة وقناة السويس، كمان الأزمةخلت الرئيس السيسي يشوف القصور فين ويعالجه بنفسه وكان الحل السحري في ملف الاستثمار واللي حصلت فيه ثورة تصحيح وازالة العقبات لدرجة إن الرئيس السيسي نفسه بقي مسئول عن الملف دا بنفسه عشان يضمن التخلص من كل الروتين اللي بيطفش المستثمرين.
كل النتائج الكويسة اللي حصلت في ملف العملة كان بفضل إدارة البنك المركزي الاستثنائية للأمور وابتكار واختراع الحلول، والمبادرات وكمان حسن عبد الله قرر يواجه الدولار من الخارج ويبدأ هجوم جديد لحماية الجنيه وعمل زيارات مهمة للصين وقابل رئييس البنك المركزي الصيني وعمل اتفاقيات مهمة جدا في التبادل المالي وعملات البلدين وتقليل الاعتماد على الدولار وبعدها راح على الإمارات وعمل اتفاقية لمبادلة العملة ودي كلها خطوات بره الصندوق هتضعف أزمة الدولار ودا كمان كان بالتوازي مع زيارة مهمة النهاردة لوفد مصري رفيع واللي شارك لاول مرة في اجتماعات البريكس وحالة الاحتفاء بمصر كعضو جديد هيتسلم عضويته كاملة في يناير اللي جاي.
