انهيار السوق السودا.. وكارثة الدولار الدوار وفضيحة شركات العقار.. ولغز ارتفاع اسعار السلع

متابعينا الكرام على كل منصات بانكير أهلا وسهلا بيكم ولايف جديد على رأس الساعة، وملخص لأهم الأحداث والتحليلات والمعلومات اللي قدمتها وحدة الأبحاث والتقارير في بانكير النهاردة الأربعاء 20 سبتمبر 2023 لمشاهديه الكرام على كل منصات السوشيال ميديا.

أول تقرير مصور كان معانا بخصوص الحدث الأهم نهاردة في مصر وهو المؤتمر الصحفي للهيئة الوطنية للانتخابات واللي عرضت فيه الاستعددات النهائية لانتخابات الرئاسة في 2024، والحقيقة فيه ربط كبير بين الانتخاابات والأزمة الاقتصادية الحالية والدولار أو المال السياسي اللي دخل على خط الأزمة وبقى أداة خطيرة للضغط على الحكومة والبنك المركزي، بعد اكتشاف علاقة أطراف سياسية بتعميق أزمة العملة في مصر عن طريق المضاربة بالسعر في الخارج وجمع الدولارات من المغتربين المصريين في دول العالم.
والحقيقة بانكير سبق وتناول مسألة المال السياسي وطريقة تحكمه في السياسات المصرية واللي أخد أكتر من شكل سواء بالمضاربة بالدولار أو تعطيل صفقات مهمة أو حتى اصدار تقارير دولية بأوامر مباشرة من جهات معروفة وبتمول الجهة صاحبة التقارير.
طبعا مش من مصلحة الإخوان وحلفائهم إن الانتخابات الرئاسية تتم في هدوء أو إن الرئيس السيسي يفضل مكمل لأنه مش مطلوب مصر تكبر أكتر من كده ودي طبعا أحلام مش ممكن تتحقق.

والتقرير التاني كان  بخصوص صفقة ضخمة جدا بتم دلوقتي وهيتم الاعلان عنها في أقرب وقت وهي 
استحواذ صندوق الاستثمار السعودي  على على 3 شركات مصرية غير حكومية تعمل في قطاعات مختلفة.

وبحسب مصادر مطلعة فصندوق الاستثمار السعودي بيعمل بيجري مفاوضات للاستحواذ على 3 شركات إحدى الشركات الثلاث التي يستهدفها الصندوق هي من كبرى الشركات العاملة في قطاع التطوير العقاري، والثانية تعمل في قطاع التعليم، بينما تعمل الثالثة في القطاع الصحي.

المعلومات بتقول إن الصندوق ليخطط لإنهاء الصفقات الثلاث قبل نهاية العام الحالي، والتوجه للشركات غير الحكومية جاء بعد توقف مفاوضات استحواذ الصندوق على المصرف المتحد، خاصة وأنه يرى فرصًا واعدة في السوق المصرية تتماشى مع استراتيجيته الاستثمارية.

والتقرير التالي بخصوص ظاهرة مهمة جدا وخطيرة تم اكتشافاها بالصدفة وهي اشتراط شركات عقارات شهيرة ومطورين على العملا دفع مقابل وحداتهم سواء كانت شقق أو فيلات أو شاليها أو وحدات إدارية ومكتبية بالدولار الامريكي مقابل الاستلام.
الظاهرة الخطيرة كشفت مدى التلاعب اللي بترتكبه الشركات دي ومخالفتها للقانون المصري واللي بيحذر التعامل بعملة غير الجنيه المصري داخل السوق المصري إلا في أماكن معينة زي المناكق الحرة في المطارات والمواني وغير كده جريمة يعاقب عليها القانون وبالبحث في الموضوع اتضح إن الشركات دي بتجبر العملا على الدفع بالدولار وبعده بتقوم تضارب بيه في السوق الموازية لتحقيق مكاسب من فرق السعر تستخدمه في بناء مشروعاتها وكأن العميل كده بيدفع تمن وحدته مرتين أو تلاتة..
طبعا دي ظاهرة خطيرةو لازم التعامل معاها بسرعة لأن واضح إن الشركات دي حصلت مبالغ كبيرة وبدورها في السوق الموازية حاليا وأكيد طبعا الأجهزة المختصة هتابع الموضوع دا.

وحدة تقارير وأبحاث بانكير سلطت الضوء النهاردة كمان على ظاهرة ارتفاع أسعار السلع والمنتجات والسبب الحقيقي فيها.

وطبعا ارتفاع الأسعار مرتبط بشكل رئيسي بارتفاع قيمة الدولار قدام الجنيه.. واللي زاد بمقدار الضعف تقريبا، وبالتالى فالسلع المستوردة ارتفعت بنفس النسبة تقريبا ويمكن أكبر، وكمان السلع ارتفعت مع زيادة معدل التضخم.
لكن اللي إحنا بنتكلم عليه النهاردة.. لو في سلعة قبل التعويم كانت بـ 10 جنيه.. وبعده بقت بـ 20 جنيه.. اية بقى اللي يوصلها لـ 30 جنيه؟؟.. الموضوع متداخل فيه طمع من التجار وهانقول لحضراتكم أمثلة

عندك مثلًا.. فى ٢٠ مارس السنة اللي فاتت.. كانت الجريدة الرسمية.. نشرت قرار مجلس الوزراء بتحديد سعر الخبر الحر بحيث يكون سعر الرغيف زنة ٤٠ جراما بخمسين قرشا، واللي وزنة ٦٥جراما بــ ٧٥ قرش. 
وكمان يومها مجلس الوزراء حدد عقوبة على اللي يخالف الأسعار دي بغرامة لا تقل عن ١٠٠ ألف جنيه ولا تجاوز ٥ ملايين جنيه.

وطبعا القرارات دي وقتها مافيش حاجة منها اتنفذت

وبالرغم من أن الحكومة أنصفت أصحاب المخابز بالأسعار دي .. لكن برضوا سعر الرغيف واصل الارتفاع.

التاجر ماشي على خط ثابت... وهو أن الأسعار طالما ارتفعت عالميًا يبقى لازم نرفعها على المواطنين في مصر ودا اللي تم على السجائر والأرز وعدد كبير من المنتجات والسلع.

طبعا غياب الحكومة عن الرقابة سبب في الانفلات اللي في السوق دا.. وهنا اللوم مشترك بين الحكومة والتجار.

ومن التقارير اللي نشرتها منصات بانكير النهاردة كان قرارات مجلس الوزراء، النهاردة بإيقاف تصدير البصل لمدة ثلاثة أشهر، تنتهي آخر السنة، ودا في إطار ضبط الأسعار في الأسواق

طبعا المواطنين وشعبة تجار الخضراوات والفاكهة بالغرفة التجارية لمحافظة القاهرة، رحبوا بقرار رمجلس الوزراء وقال حاتم النجيب نائب رئيس شعبة الخضراوات والفاكهة بالغرفة التجارية لمحافظة القاهرة، إن الشعبة بترحب على استجابة مجلس الوزراء لمطالب شعبة الخضراوات والفاكهة بشأن وقف تصدير البصل لضبط الأسعار في السوق المصري.
وأخيرا عرض بانكير  تقرير مهم جدا عن هبوط دولار السوق السوداء ولو حضراتكم متابعين في الساعات اللي فاتت مفيش كلام غير الكلام عن تراجع الدولار في السوق السودا .. نتيجة الإجراءات اللي عملها البنك المركزي في الفترة اللي فاتت واستبعاد تعويم الجنيه المصري.. كمان كتر الكلام عن أن البنك المركزي هيعمل شوية إجراءات جديدة لضبط الأسواق

وبحسب متعاملين فإن الطلب على الدولار في الساعات اللي انخفض بشكل كبير ودة خلي الدولار ينزل لمستوي 37 و 38 جنيه.. وكلام كتر عن نزول مدوي لسعر الدولار في الأيام اللي جايه

والبنوك بدأت في توفير الدولار للعملاء بشكل كبير مع تحسن التدفقات النقدية.. كمان في خبر حلو وهو أن الشهادات الدولارية الجديدة في البنك الاهلي المصري وبنك مصر جمعت اكتر من 2 مليار دولار ودة رقم كبير وهيزيد في اليومين اللي جايين.