من جوه المطبخ.. نكشف خطة البنك المركزي و4 دول لاعتماد الجنيه في التبادل التجاري
سيناريو البنك المركزي لمشروع لتبادل المدفوعات بالعملات الوطنية مع 4 دول
اية اللي بيحصل جوه البنك المركزي دلوقتي علشان السيناريو دا يتم .
اية علاقة بريكس بالموضوع.. دا اللي هانعرفه دلوقتي
كل واحد بيشوفنا يركز معانا كدا ويجيب كوباية الشاي الجميلة ويسمع اللي هانقوله بتمعن
طبعا.. إحنا مستنيين انضمام مصر الفعلي ل تكتل بريكس علشان المميزات اللي قولنا عليها واللي بتشمل التعامل بالعملات المحلية وفوائد أسهل على التمويلات وغيره
بس البنك المركزي بقى مابيضعش وقت.. وبيجهز ل سيناريو مع ٤ دول علشان يتم اعتماد العملات المحلية في تبادل المدفوعات.
عرفنا الخطة.. ولازم تعرفوها.
طبعا مصر السنين اللي فاتت وطدت علاقاتها مع عدد من الدول خاصة اللي في تكتل بريكس الاقتصادي.
وعلشان كدا البنك المركزي بدأ في تنفيذ مشروع لتبادل المدفوعات بالعملة المحلية مع ٤ دول.
ال ٤ دول هما الهند وروسيا والإمارات واللي هما في تكتل بريكس والأردن من خارج التكتل
طبعا التكتل بيسعى لتحسين الأوضاع الاقتصادية للدول الأعضاء وتوفير التمويل اللازم لإنشاء المشروعات بعيدا عن هيمنة الدولار، وكذلك مناقشة الكيفية اللي من خلالها تقدر الدول دي أنها تتعاون فيما بينها على نحو أفضل في المستقبل.
وبالمناسبة البنك المركزي بيعمل حاليا مع الهند على تنفيذ مشروع لقبول المدفوعات بين الدولتين بالعملتين المحلية "الجنيه المصري والروبية الهندية"، ومن المتوقع الانتهاء منه قريبا.
ولو فاكرين.. فالبنك المركزي الروسي كان اعتمد الجنيه المصري كعملة للتبادل التجاري بينه وبين مصر.
والمشروع اللي بيجهز البنك المركزي لاعتماده.. هو وجود تعاملات تجارية زي استيراد مصر شحنات قمح من الهند وسدادها بالجنيه المصري مقابل تصدير بعض السلع والمنتجات المصرية مثل الخضروات والفاكهة للهند مقابل الروبية الهندية.
و كلامنا دا أكد عليه .. وزير التموين علي مصيلحي.. واللي أكد أن في مناقشات بتجري دلوقتي للتعامل بالعملات المحلية مع الجانب الهندي وبعض الدول الأخرى كروسيا والصين لتسهيل التبادل التجاري.
دا فوايده عظيمة في أنه حايسهل علينا عمليات التبادل التجاري في أن يتم اعتماد الجنيه بدل الاستيراد بالدولار.
المشروع البنك المركزي شغال عليه.. وجاري تنفيذه وهانقولكم على تفاصيله مع كل تقدم له..
