إيه الحاجة اللى حذر منها الرئيس في مؤتمر السكان؟ غول هياكل الأخضر واليابس

 
الرئيس عبدالفتاح السيسي ما بفوتش اى فرصة الا ويتكلم عن خطورة الزيادة السكانية وازاي كترة الانجاب بتقضى على اى جهود بتبذلها الدولة لتحسين حياة الناس خصوصا ان الضغط على مؤسسات الدولة التعليمية والصحية وغيرها بيزيد فى وقت المتاح منها قليل أصلا.. وفى مؤتمر السكان اللى بتستضيفه مصر السنة دي حذر الرئيس السيسي من المشكلة سواء فى مصر أو فى باقي الدول الافريقية.. فيا ترى قال ايه ؟ وايه المخاطر اللى بتواجهها مصر بسبب الزيادة السكانية؟
 
الرئيس السيسي أكد فى كلمته قدام مؤتمر السكان أن الزيادة السكانية قضية خطيرة جدا على الدول اللى بتعانى من زيادة المواليد وقال انه فى افريقيا عموما ومصر تحديدا واحدة من أخطر القضايا اللى بتواجه الحكومات. 
وقال ان لو مشينا بمعدلات الانجاب الحالية هنصل إلى نحو 1,6مليار نسمة في أفريقيا خلال سنوات قليلة وأكد ان التغير هيحصل  في مصر عبر العمل بوعي وفهم على تنظيم قدرات الدولة على عدد السكان.
وكشف الرئيس عن ان تكلفة البنية التحتية في مصر خلال السنوات الأخيرة وصل الى 10 تريليون جنيه .. وأكد انه رغم الموارد الكبيرة للقارة الأفريقية إلا أنها مش هتكون قادرة على تلبية متطلبات الزيادة السكانية وان تاثير الزيادة السكانية انعكس على مختلف الخدمات التى تقدمها الدولة للمواطنين
وأكد فخامة الرئيس ان الدولة تمكنت رغم مواردها المحدودة من الصمود في وجه التحديات زي  جائحة كورونا والأزمة الروسية الأوكرانية