حضانات الدولار السرية وخريطة بنوك ناصر الدسوقي في السوق السوداء

 
 
ياترى الـ40 مليار دولار حجم السوق السوداء للدولار بتنام فين كل ليلة وازاي بيتم التداول وايه حكاية شبكة بنوك ناصر الدسوقي السرية اللي تحت الأرض.. وإيه حكاية حضانات الدولار والبوابات الخلفية اللي بتمر منها العملة الأمريكية.. خليكم معانا لآخر الفيديو وهتسمعوا كلام مختلف النهاردة وخطير جدا.
 

فاكرين مسلسل الأسطورة وناصر الدسوقي اللي قرر يدخل السوق السوداء للدولار من الباب الخلفي والتجارة الغير مشروعة في السلاح وفاكرين كلنا خزنة الدسوقي السرية اللي كان فيه تل دولارات اللي متستفة في عبوات بلاستيك.. أهو ناصر الدسوقي نموذج حي على اللي بيحصل في السوق السوداء ويغذيها بمليارات الدولارات..

الحكايه بتبدأ بنشاط مشبوه ومخالف للقانون سواء تجارة السلاح أو الممنوعات أو الأدوية أو احتكار السلع واللي بتكون الخميرة الاولى للسوق السوداء ولأنها دولارات ضد القانون عمرها ما هتروح البنوك أو تدخل في نشاط ظاهر ومكشوف.. طيب كل المليارات دي بتروح فيه.. شوف يافندم طالما الدولارات جاية من طريق غير مشروع فبتروح لأنشطة غير مشروعة وفيه 3 طرق بيمشي فيهم دولار السوق السودا أولها نشاط غسل الأموال وهو ببساطة عبارة عن إدخال الدولارات الغير مشروعة في نشاط مشروع زي قطاع العقارات أو تجارة السيارات أو شراء أسهم في البورصة أو اي مشروع تستخبى فيه الدولارات عشان تطلع بعد كده نضيفة من النشاط دا وتأني طريق للدولار الأسود هو المضاربة بيه في السوق السوداء نفسها وتحقيق مكاسب خرافية بالجنيه المصري واللي محدش هيسأله جبت ثروتك منين لأن من السهولة اخترع مشروع وأحط ارباح وهمية طالما بالجنيه محدش هيثبت أنها نشاط مضاربة عن الدولار.

لكن خلينا نسأل سؤال منطقي هي كل ال40 مليار دولار هتدخل في نشاط غسل الأموال أو المضاربة.. لا طبعا.. ودا بياخدنا لسؤال تاني الدولارات دي كلها بتروح فين.. شوف حضرتك في الحالة دي المليارات بتنام في خزاين زي كده خزاين ناصر الدسوقي في مكان آمن وبعيد عن الشبهات وبيدهل حاجة زي الحضانة وليه استخدمنا وصف حضانة هنا عشان ببساطة الدولار بيولد فيها أو بيزيد سعره بالجنين طالما فيه أزمة عملة في البلد والحضانات دي بتغذي الصفقات الكبيرة في السوق السوداء يعني. واحد عايز 100 مليون دولار مش معقول البائع يكون شايلهم في جيبه أو في شنطة لكن بيتم تحميلها من الحضانة وسلم واستلم.

وممكن حضانات الدولار دي تكون ملك شخص واحد أو عدة تجار أو حيتان السوق السوداء للدولار وممكن تكون ضمن شبكة توزيع الدولار في السوق الموازية اللي يتشرف عليها جهات خبيرة في الجريمة المنظمة وعارفة هي بتعمل ايه كويس عشان تجارتها تفضل مستمرة، لكن الواقع بيقول إن أصحاب الحضانات بيوزعوا في الدولار دلوقتي ويصرفوه في اكتر من اتجاه مع نزول الأسعار ونجاح الحكومة في احكام الرقابة على السوق السوداء بجانب استقرار اسعار الصرف وتوافر الدولار الرسمي وتعافي البنوك من أزمة نقص الدولار الأمريكي.