هل أسعار السجائر هاتنزل بعد شراء الإمارات حصة كبيرة من الشرقية للدخان؟

لو أنت مش عارف لازم تعرف إن.. شركة جلوبال للاستثمار القابضة الإماراتية، بقت لاعب جديد في سوق السجائر في مصر.. ودا بعد استحواذها على حصة 30% من الشركة الشرقية للدخان "إيسترن كومباني".

وبكدا.. الحكومة تخلت عن  حصة الأغلبية في الشركة ودا بعدما  تراجعت حصة الشركة القابضة للصناعات الكيماوية الحكومية من 50.9% إلى 20.9%..  وبكدا  الحكومة مابقتش  المساهم الأكبر في الشركة.

زائد أن رجل الأعمال محمد العبار ومستثمرين سعوديين استثمروا أكتر من 400 مليون جنيه في شراء أكثر من 25% من الطرح الخاص بالشركة.. واللي بلغ 4.275% من إجمالي أسهم الشرقية للدخان.

وبدخول  شركة جلوبال للاستثمار القابضة الإماراتية، هاتقدر توفر مبالغ مالية قدرها ١٥٠ مليون دولار لاستيراد التبغ الخام علشان يكون في وفرة في المعروض من السجائر ودا ممكن يساهم في انخفاض اسعارها.