أخيرا الحكومة اتحركت.. حل أكبر مشكلة بيعاني منها المصريين |تراخيص البناء

خلاص أكبر مشكلة بيعانى منها المصريين في اخر كام سنة هتتحل خلال أيام.. والحكومة أخرا اتحركت وحاليا بيتم وضع الرتوش النهائية والعجلة هترجع تدور تاني في واحد من أهم القطاعات اللى بتقود الاقتصاد وبتشغل وراها قطاعات تانية كتير.. فيا ترى ايه اللى هيحصل ؟ وامتى هيصدر القرار الرسمي؟
  
من فترة طويلة تم وقف البناء واصدار تراخيص جديدة فى محاولة من الدولة لوقف البناء العشوائي واعادة تخطيط المدن والقرى بشكل علمي مدروس لكن القرار كان ليه تبعات اقتصادية سلبية على قطاع البناء وعلى حركة التشغيل فى قطاعات كتيرة مرتبطة بالتشييد وعشان كده فيه كلام قوي جدا الأيام اللى فاتت عن عودة تراخيص البناء في المدن والقرى.

طب إيه حقيقة الموضوع ده ؟ وهل فعلا هيتم السماح من جديد بالبناء؟
بص قبل ما نتكلم عن حقيقة الخبر وعن الكلام المنتشر لازم نكون عارفين ان عودة البناء في مصر هيحل مشاكل كتير لان وقف البنا عمل أزمة كبيرة جدا في القطاعات المرتبطة بعالم التشييد ومنها الايدي العاملة وكتير من الصناعات التانية زي الاسمنت والحديد والطوب والرمل والزلط وأدوات السباكة والتطيبات والسيراميك وعشرات القطاعات المرتبطة ارتباط وثيق بالبناء .. فعودة تراخيص المباني هيكون ليها مردود إيجابي كبير على كتير من الصناعات وعجلة الإنتاج في مصر هتتحرك بقوة في وقت الاقتصاد بيعانى من حالة شبه ركود 
أما بقا عن حقيقة اللى بيحصل في الكواليس واللى هيحصل الفترة الجاية.. فوفقا للمعلومات المتداولة من المفترض انه هيتم فتح تراخيص البناء في المدن والقرى بدون الاشتراطات الجديدة وهيتم استخراج التراخيص وفقًا لقانون رقم 119 لسنة 2008 اعتبارًا من الأول من سبتمبر 2023 لكن الكلام ده لحد دلوقتي مش رسمي ومجرد معلومات بتتداول فى كواليس عدد من المصالح الحكومية المعنية. 
وبتجرى حاليًا دراسة عودة استئناف أعمال البناء في المدن والقرى بعد فتح تراخيص البناء بدون الاشتراطات الجديدة وبتشارك في الدراسة مجموعة من الوزارات المعنية منها وزارة التنمية المحلية ووزارة الإسكان.
وتم في وقت سابق إصدار القرار رقم 309 لسنة 2023 من قِبل اللواء جمال نور الدين محافظ مدينة كفر الشيخ، والقرار يتعلق بإمكانية استئناف أعمال البناء والتشطيبات في القرى والمدن.
ولو تم فتح باب اصدار تراخيص البناء من جديد لازم تكون عارف انه في حالة أن الأرض فارغة لام تقديم طلب للحصول على رخصة البناء وفي حالة أن المنزل موجود بالفعل لازم تقديم طلب للحصول على رخصة التعلية.
وبيتم تحديد موقع البيت أو الأرض على الخريطة بواسطة مختص يعمل في المجلس القروي.
وبيتم دفع رسوم بيان صلاحية الموقع في المجلس المحلي المعني، وبناءً على هذه الرسوم يتم تحديد عدد الأدوار المسموح بها وفقًا لعرض الشارع.
ولازم الاستعانة بمكتب هندسي لإعداد الرسومات المعمارية والإنشائية، زتقديم توكيل يخول المكتب الهندسي أو المهندس المسؤول لاستكمال الإجراءات.
وبيتم توقيع عقد البيت أو الأرض وتسليم الأصل ونسخة منه للمراجعة وبعدها بيتم استلام الأصل بعد إجراء المراجعة.