محمد العبار.. مليارات في حب مصر

البيزنس مش بس فلوس وأعمال ومشروعات ومكسب وخسارة ومنافسة.. لكن أحيانا ييكون البيزنس وسيلة للتعبير عن الحب والتقدير والعرفان بالجميل.. وكتير من رجال الأعمال العرب عملوا وبيعملوا مشروعات بمليارات الدولارات في مصر مش لانها أحسن سوق استثماري في المنطقة وفرصه الواعدة لكن فيه جانب تاني مهم بيخلي رجال الأعمال بعينهم يستثمروا في مصر وتكون مشروعاتهم فيها ليها مكانة خاصة ودا لأنهم حبوا البلد وحبوا شعبها.
محمد العبار مؤسس "إعمار العقارية" والملياردير الإماراتي الشهير واحد من رجال الأعمال العرب إللي مشروعاته كلها بيفوح منه ريحة حبه لمصر وتقديره لترابها وعشان كده دايما تلاقيه في مصر وبيتكلم عن اقتصادها بشكل ايجابي وكمان بيدافع عن سوق استثماراتها في الخارج وبيأكد في كل تصريحاته إن الاستثمار في مصر أحسن من الاستثمار في أوروبا.

العبار شايف إن الاستثمار في مصر واجب على كل رجل أعمال عربي من باب رد الجميل وإن مصر القوية يعني امة عربية قوية عشان كده بدأ بنفسه وشغال في مشروعات بحوالي 10 مليار جنيه في قطاع الضيافة والفنادق الفاخرة في مصر وشايف إن السياحة في مصر هي المستقبل.
 

وفي أخر شهور استثمرت إعمار مصر للتنمية أكتر من 5 مليار جنيه حوالي 155 مليون دولار لإنشاء مشرعة فندق (The Address) الضخم في الساحل الشمالي بطاقة استيعابية تصل إلى 200 غرفة فندقية، و169 شقة فندقية.

وأكد العبار إن نظرة الشركة للاستثمار السياحي في مصر إيجابية، واستشهد بمعدلات الإشغال الفندقية في أول 6 شهور من 2023 وقال إنها الأعلى من 5 سنوات، والملياردير الإماراتي شايف إن فئة الفنادق الفاخرة هتشهد إقبال كبير جدا من السائحين في مصر لأن مصر استقطبت فئات وشرائح عالية الإنفاق من السائحين.