السر اللي كان مخبيه السيسي.. مفاجأة مش على البال

إيه المفاجأة اللي الرئيس السيسي فاجيء بيها المصريين والعالم في تصريحاته الأخيرة، وإزاي المفاجأة دي هتقلب الموازين في الاقتصاد المصري 

الرئيس السيسي من سنين في بداية توليه الحكم اتسأل على المشروعات وقال مش كل اللي انتوا شايفينه دا  اللي بيتعمل وفيه كتير شغالين فيه ومش قايلين عشان أهل الشر.. ومن ساعتها بنشوف مشروعات عملاقة مش بيتم الإعلان عنها غير لما تخلص.

امبارح الرئيس السييسي في سياق كلمته لأهالينا في مطروح قال سر خطير ومفرح في نفس الوقت لما كان بيستعرض خطة استصلاح الأراضي وقال إن فيه مشروع بـ700 ألف فدان في نطاق المنطقة الغربية شغالين عليه وأنا معلنتش عنه لغاية مانخلص البنية التحتية بتاعته ونمد الترع ليه والطرق والمدقات ، عارفين يعني إيه 700 ألف فدان يعني مشروع عملاق هيضيف للثروة الغذائية والحيوانية والامن الغذائي المصري قيمة مضافة بجانب مشروع الدلتا الجديدة والـ2 مليون فدان اللي هيدخلوا الإنتاج قريب.

ليه الدولة بتسابق الزمن عشان تستصلح الأراضي وتزرع المحاصيل.. أكيد كلنا عرفنا قيمة المشروعات اللي تمت في مجال الثروة الزراعية والحيوانية ومشروعات مزارع الأسماك ودي اتعملت قبل الأزمة الروسية وقبل كمان كورونا وكان الهدف منها تقليل فاتورة الاستيراد لأقصى درجة ممكنة وتوفير الدولار حتي من قبل الأزمة الأخيرة في أسواق العملة، ودا كان بعد نظر من الرئيس السيسي واللي حط الأمن الغذائي لمصر في المقام الأول في مشروع التنمية الشامل بجانب حسم ملف التعدي على الأراضي الزراعية ووقف تجريف أرض مصر.
وعشان نعرف بالأرقام مصر السييسي عملت ايه في ملف استصلاح الأراضي كفاية نعرف إن تكلفة استصلاح الأراضي ، كفاية نعرف إن تكلفة مشروع الدلتا الجديدة 300 مليار جنيه وإن الفدان بيكلف 300 ألف جنيه متوسط  تكلفة ومن أهم مشروعات الاستصلاح، مشروع توشكى الخير بمساحة 1.1 مليون فدان ومشروع الدلتا الجديدة العملاق بمساحة 2.2 مليون فدان ومشروع تنمية شمال ووسط سيناء بمساحة 456 ألف فدان ومشروع تنمية الريف المصري بمساحة 1.5 مليون فدان بالإضافة إلى المشروعات الأخرى في جنوب الصعيد والوادي الجديد بمساحة 650 ألف فدان يعني مصر استصلحت أكتر من 6 مليون فدان سواء اللي اتزرعوا فعلا أو اللي لسه الدولة شغالة فيه وتخيل لو المشورعات دي ما اتعملتش كان زمان أسعار الغذاء عاملة إزاي.