هنعدي الأزمة واطمنوا.. الرئيس السيسي يكشف مفاجآت اقتصادية

 اليوم الرئيس السيسي قال كلام مهم جدا ووضع النقاط على الحروف بخصوص أزمات كتير في مصر ووجه رسايل مهمة جدا للمصريين والأطراف خارجية.. ياترى الرئيس قال ايه وكان يقصد ايه وليه في التوقيت دا بالذات اتكلم الرئيس

 
الرئيس السيسي معودنا إن لما الصورة تبقى ضبابية أو فيها لبس والناس قلقانة من حاجة معينة يطلع في الوقت المناسب ويقطع الشك باليقين ويطمن الناس على وضع البلد وإن مصر قوية وعفية وهتعدي الأزمة بسلام  ولأن كلام الرئيس قطعي فالناس بتطمن لما يطلع يتكلم .

في الساعات الأخيرة الرئيس السيسي زار مرسي مطروح لتفقد مشروعات عملاقة هناك كلفت مليارات وزي ما احنا عارفين مطروح محافظة حدودية وكانت مهملة على مدار سنين طويلة لكن في عهد الرئيس السيسي اتحلت مشاكل ليها مئات السنين زي مياه الشرب والمدارس والمستشفيات والحياة الكريمة.
المهم خلال زيارته الرئيس السيسي اتكلم في حاجات مهمة جدا تخص الأوضاع الاقتصادية الحالية واللي بتشغل بال الناس وقال رسايل غاية في الأهمية وحسم بيها جدل كبير وقال الرئيس هنتجاوز  التحدى الاقتصادى وهيتحول لماضى زى الإرهاب والدولة بتنقدم التعويض المناسب للمواطن عن الأرض أو البيت وده مبدأ الدولة بتخطط لزراعة 700 ألف فدان جديدة فى المنطقة الغربية عشان اهالينا في مطروح وإن ما فيش مكان فى مصر إلا وفيه شغل لصالح المواطنين

واتكلم  عن جدوى مشروعات ثار بخصوصها الجدل وقال الناس اللى بتقول القطار السريع اللى هيجى لغاية جرجوب أو لغاية السلوم هنستفيد منه إيه لأ طبعا فيه استفادة كبير منفذ السلوم الهدف منه تسهيل حركة التجارة مع الأشقاء فى ليبيا وفيه منطقة لوجيستية 250 – 300 فدان جنب المنفذ.

وقال الرئيس إنه بالمناسبة فيه برنامج تطوير كبير لأهلنا فى سيناء وده حق لهم وبتكلم علشان الرسالة توصل لهم واتكلم عن مشروع الدلتا الجديدة وأكد إنه هيوفر فرص عمل عديدة لأهالى مطروح.

وقال الرئيس إن الدولة لا تتحدث عن المشروعات الجديدة إلا بعد التأكد من أنها هتحقق استفادة للمصريين وإن الدولة غير مسئولة عن أزمتى "كورونا" و"الحرب الروسية" وإحنا فى أزمة وبنتكلم بمنتهى الوضوح والأزمة تحدى من ضمن تحديات زى تحدى الإرهاب من 2011 وبنحاول بكل قدرة نقلل من تأثير الأزمة الاقتصادية على المواطنين

وبخصوص الأزمة الاقتصادية برد. قال الرئيس ومن الناس إن الظرف الاقتصادى تحدى وإحنا مصرين بفضل الله وقادرين على تخطى هذا الظرف واطمئنوا.. بفضل الله لا نريد إلا الخير للناس ولبلدنا.

وبخصوص أزمة الكهرباء حسم الرئيس الجدل وقال تخطينا أزمة الكهرباء.. ما فيش مصلحة لينا كدولة غير مصلحة الناس.. وطريق السلوم مطروح تكلفته أكثر من 15 مليار جنيه وربنا أنقذ مصر والحمد الله" وكان فيه أزمة كهرباء، ولا أقصد انقطاع الكهرباء الفترة اللى فاتت ولكن كان فيه أزمة كهرباء حقيقية وتخطيناها بفضل الله، ثم جاءت ذروة درجات الحرارة اضطررنا أن نخفف لأن حجم الوقود المطلوب عشان نشغل المحطات بعد التكلفة الزيادة في الوقود أصبحت عبء علينا

وأضاف الرئيس السيسي : الكهرباء ووقود السيارات هل بناخده بنبيعه بالدولار أم بالجنيه بنبيعه بالجنيه، ولكن نشترى هذا الوقود لمحطات الكهرباء والسيارات التي تسير في كل مصر بالدولار.
وبكده يبقى الرئيس السيسي حسم الكلام عن الأزمة الاقتصادية وقال هنعديها وهي تحد والكهربا مابقتش أزمة وماشيين في التنمية الاقتصادية المستدامة واللي جاي أفضل بكتير وبعد كلام الرئيس مفيش كلام.