بنك صيني جديد يقلب موازين العالم ورعب في أمريكا

الصراع الروسي الأمريكي على اقتصاد العالم وصل لذروته ومفيش طرف قادر يحسم الصراع لأن التنين الصيني كتلة بشرية ضخمة مقابل تكنولوجيا أمرييكة فاقة التطور.. لكن الصين جابت جون مهم جدا في الدقيقة 90 في الصراع العلمي مع أمريكا هيقلب موازين العالم.. ايه اللي حصل وإيه حكاية البنك الصيني الجديد وإزاي أمريكا مش عارفة تعمل إيه في التهديد الصيني الجديد واللي بيقول إن بكين ممكن تتحكم في كل العالم
 

في الفترة الأخيرة مفيش كلام في الولاياات المتحدة وأوربا غير على بن صيني جديد بس بمواصفات خاصة ومش بنك فلوس ولا قروض ولا حسابات ولا ودايع وملهوش فروع .. هو بنك البيانات الجينية، واللي بيعتبروه وسيلة الصين للسيطرة علي مفاتيح القوي خلال القرن الـ 21، بعد التقارير اللي اتكلمت عن ريادة بكين في مجال الذكاء الاصطناعي، وظهور تقنيات جديدة  الصين مكتمة عليها ومش راضيها تطلعها أو تعلن عنها وفق برتوكولات البحث العلمي العالمية .

وقالت التقارير إن الصين بتتربع على منجم دهب من البيانات الجينية اللي ممكن تقلب حياة البشر في كل المجالات سواء البشرية زي اكتشاف الامراض وعلاجها وتصنيع أدوية وعقاقير جديدة تماما عن الموجودة حاليا وكمان الكشف عن امراض العيوب الخلقية وعلاجها قبل ما تظهر.. ولو حضرتك من متخيل ايه اللي ممكت تعمله الصين فهنقولك إن صناعة الأدوية والعقاقير والصيدلة في العالم بدور في حدود 7 تريليون دولار، ممكن الصين تحتكر معظمه بفضل أسرار التكنولوجيا الجينية الجديدة اللي عندها وبتتعامل معاها على إنه سر حربي ممنوع خروج أي تفاصيل عنده.
ونرجع للتقارير واللي أكدت  امتلاك الصين لكميات هائلة من البيانات الجينية بالفعل في البنوك الحيوية ومراكز الأبحاث، وأطلقت مسح جيني وطنيا لجمع المعلومات حول الموارد.

شبكة «CNN» الإخبارية، قالت إن السلطات الصينية شددت في السنين الأخيرة، ضوابط وصول الأجانب للبيانات الجينية على عكس الدول الغربية اللي بتشارك مراكز البحث العملي للنتائج.

مديرة مركز العلوم العالمية والعدالة المعرفية التابع لجامعة "كنت" باتجلترا، جوي واي تشانج قالت إن  الحكومة الصينية عايزة يكون ليها اليد العليا في هذا المجال؛ لأنها عارفة إن وراه إمكانيات اقتصادية ضخمة،

طيب ايه هي استخدامات وأهمية البيانات الجينية.. بحسب التقارير، يمكن للبيانات الجينية تمهيد الطريق لاكتشافات ليها تأثيرات واسعة النطاق، من الرعاية الصحية والاقتصاد إلى الدفاع الوطني والسلامة البيولوجية، عن طريق استغلال المادة الوراثية في دراسة الأمراض وعلاجها، لتطوير المستحضرات الصيدلانية والأجهزة الطبية.

وعشان تعرف أهمية الكلام عن بنك الجينات الصيني إن فيه أبحاص دلوقتي لعلاج العيوب الخلقية، ومساهمة الجينات في إطالة عمر الشخص - وهو أمر مهم بشكل خاص نظرا للأزمة الديموغرافية التي تلوح في الأفق في الصين، حيث ينخفض معدل المواليد ويتقدم سن القوى العاملة.