بن زايد حديث العالم في مونت كارلو المصرية.. العلمين الجديدة مدينة الألف مليار دولار
إيه اللي بيحصل في مدينة العلمين الجديدة وير زيارات الرؤساء والملوك للمدينة المصرية ومحمد بن زايد بيعمل ايه هناك وإزاي المدينة هتبقي أشهر من المالديف ومونت كارلو والريفيرا الفرنسية وازاي ممكن في يوم من الايام تبقي مدينة الألف مليار دولار.
مصر كانت مشهورة بشرم الشيخ واللي بتعتبر جوهرة سينا وخدت شهرة عالمية من كم الأحداث اللي شافتها واستضافتها عالميا وبقت قبلة للسياحة والمؤتمرات ومرت سنين ومصر بنت مدن ذكية كتير ومن بينها العلمين الجديدة واللي الدنيا كلها بتتكلم عنها دلوقتي بسبب جمالها وجوها وشواطئها الفيروزية وعبقرية المباني والفنادق والقرى السياحية واللي بقت هي كمان قبلة لزعماء وملوك العالم واتعمل فيها اكتر من مؤتمر دولي ولقاءات رئاسية مهمة جدا وبعدها بقت مقصد لسياحة المشاهير من كل الدنيا.
توقعات الخبراء في السياحة والتجارة بخصوص مستقبل العلمين الجديدة بتقول إن المدينة هتتحول لمركز عالمي في السياحة والتسوق والبراندات والتوكيلات التجارية وأنها هتكون مركز مالي عالمي هيضم ارقي توكيلات السياحة والسفر والترفيه والاستثمار العقاري بجانب مقار الشركات العالمية وأنها نتحصل مليارات الدولارات للدولة ومش هتكون مجرد مدينة حلوة السياح بيزوروها كل صيف دي هتكون قلب الشرق الأوسط وشمال أفريقيا النابض وعاصمة المال والترفيه والأعمال بعد إكتمال مراحل البناء في المدينة والتوسعات الجديدة واللي تخليها مدينة عالمية كامل من كل المرافق.
خبراء الاقتصاد أكدوا وحسب الأرقام إن إقبال العرب وخاصة مواطنى الخليج على الاستثمار فى العقارات المصيفية الجاهزة بالساحل الشمالى والعلمين الجديدة شهد طفرة كبيرة في الوحدات اللي جاهزة بالإضافة إلى الإقبال المستمر من المصريين العاملين فى الخارج على شراء الوحدات السياحية ومن المتوقع ارتفاع حجم الطلب على شراء الوحدات المصيفية خلال الفترة الجاية مع زيادة سعر صرف الدولار وارتفاع الميزة الاستثمارية للعقارات بالسوق المصرى.
وحسب الاحصائيات الرسمية المصريين المغتربين ومعاهم مواطنى دول الخليج استحوذوا على حصة كبيرة ونسبة غير مسبوقة من الإقبال على الشراء والاستثمار فى العقارات المصيفية في الفترة الاخيرة، بسبب انخفاض الأسعار فى مصر مقارنة بالأسواق المنافسة.
وفيه عامل جذب كبير ميز العلمين الجديدة عن غيرها من المدن في البحر المتوسط وهو أنها بقت مدينة شهيرة وبيفصلها رموز وقادة العالم لجمالها وبقت مقصد لرجال الأعمال والمشاهير والمليارديرات ودول عملوا دعاية مجانية للمدينة لاتقدر بثمن واخر حدث بتعيشه مدينة العلمين الجديدة هو زيارة محمد بن زايد للمدينة وقراره إنه يقضي الإجازة السنوية في العلمين دونا عن اشهر المدن الأوربية والعالمية ومش كده وبس دا كمان بن زايد عمل دعاية بمليارات الدولارات للمدينة لما نزل الشوارع وبقي يتصور مع السياح والمواطنين ويتبادل معاهم الحديث في ود وسعادة بعيد عن التقاليد الرسمية وزيارته عملت صدى عالمي لأنه لازل مرة الناس تشوف بن زايد على طبيعته وهو بيهزر مع الاطفال ويتصور مع الكل في الشارع بطريقة عفوية .
اكيد بعد اللي عمله بن زايد في العلمين هيكون ليه مردود ضخم جدا على السياحة للمدينة والساحل الشمالي كله وأكيد هتنعش سوق الاستثمار الفندقي في المدينة وكمان هتكون انطلاقة جديدة لجذب مليارات الدولارات من الاستثمارات الخارجية وخاصة من دول الخليج العربي وغير أن السنة الجاية هنشوف قادة العالم كله بيقضوا إجازاتهم في العلمين الجديدة.
