اعرف المصريين اشتروا كام طن دهب؟.. وإيه أكتر دولة عربية بتشتري المعدن النفيس؟

يا ترى المصريين اشتروا بكام دهب فى الفترة الأخيرة ؟ وايه اكتر دولة عربية فيها اقبال على شراء المعدن النفيس؟ وهل اللى بيحصل عالميا ليه تاثير على حركة سوق الدهب؟ 
  
مجلس الذهب العالمي طلع تقرير مؤخرا بيتضمن ارقام مهمة عن سوق الدهب فى الشرق الأوسط والمنطقة العربية.. التقرير كشف تراجع الطلب على المشغولات الذهبية والمجوهرات في مصر بنسبة 8% خلال الربع التاني من 2023 مقارنة بنفس الفترة من 2022، وده يعتبر 3 تراجع ربع سنوي على التوالي. 
وبحسب بيانات التقرير ربع السنوي سجل الطلب على المشغولات الدهبية والمجوهرات في مصر خلال الربع التاني من 2023 نحو 6.9 طن مقابل نحو 7.4 طن خلال نفس الفترة من 2022.
وكان تقرير الربع الأول أظهر أن أول 3 شهور في السنة سجلت طلب على المشغولات الذهبية في مصر بكمية 9.2 طن، لكن المجلس عدل الرقم ده في تقرير الربع التاني، ليصبح الطلب عليها في الربع الأول 8 طن بس .
التقرير الجديد أكد ان إيران ومصر عانوا من سوء الأوضاع الاقتصادية وانخفض الطلب في البلدين إلى أقل من 7 طن خلال الربع التاني، وانخفض بنسبة 7% و 8% على التوالي.
وعلى مستوى الدول العربية، سجلت الإمارات طلب كبير على المشغولات الذهبية خلال الربع التاني من العام الجاري بنحو 10.6 طن بنسبة تراجع 20% مقارنة بنفس الفترة من 2022.

وارتفع الطلب على المشغولات الذهبية في السعودية خلال الربع التاني  بنسبة 1% على أساس سنوي مسجلا نحو 9.5 طن.
وارتفع الطلب على المجوهرات في تركيا بنسبة 23% عند 10.2 طن خلال الربع التاني  من 2023 ، مما رفع الطلب في النصف الأول إلى أعلى مستوى ليه في 5 سنين عند 19.7 طنًا بزيادة 25% على أساس سنوي.
تقرير مجلس الذهب العالمي أكد  ان النمو ده بيعتبر بيبرز بشكل كبير بالنظر إليه على خلفية تحركات أسعار الذهب في السوق المحلية التركية، بعد ما اقتربت أسعار الأوقية من 50 ألف ليرة تركية بنهاية شهر يونيو.
وانخفض الطلب على المجوهرات في الربع التاني  في الشرق الأوسط بنسبة 5% على أساس سنوي ووصل إلى 45 طن