فاكرين موضوع الرخصة الذهبية.. يا ترى طلع كام رخصة لكام مصنع

في ٢٠ ديسمبر ٢٠٢٢.. أعلنت الحكومة عن الرخصة الذهبية ال بتتجاوز كُل معوقات التراخيص والموافقات الحكومية.. ودا بهدف تمكين الصناعة.. والموافقة عبارة عن ورقة واحدة من مجلس الوزراء.

وخلال الفترة من ديسمبر ٢٠٢٢ لغاية الشهر ال فات الحكومة أصدرت بس ١٦ رُخصة من النوع دا، لكن بعد قرارات المجلس الأعلى للاستثمار الشر ال فات، الاسبوع دا أصدرت خمس رُخص دُفعة واحدة، أهمهم ال٣ دول:

* مصنع ميديا إلكتريك للأجهزة المنزلية، ودي ماركة صيني مشهورة جدًا في السوق المصري دلوقت، هتعمل مصنع يستبدل كامل وارداتها بتكلفة استثمارية تصل إلي ١٠٥ مليون دولار في مدينة السادات.

* مصنع جينكس للأدوية: دي شركة مصرية ضخمة، هتعمل مصنع بتكلفة ١٥٠ مليون دولار، المصنع هيُخصص لإنتاج اللقاحات والأمصال بطاقة  ٣٠٠ مليون جرعة سنويًا، في المنطقة الاقتصادية لقناة السويس.

* مخازن لشركة الفيوم للمخازن والمستودعات: ودي بقيمة ١٫٣٤ مليار جنيه، هتستخدم لتخزين سلع استراتيجية زي علشان تساعد في استقرار أسعارها.

* في مصنع تاني لمُضادات حيوية، ومصنع لتدوير القمامة.

ودا طبعاً مؤشر كويس على اهتمام الدولة بالصناعة