هو ممكن الدولار يرجع بـ 5 جنيه.. مفاجأة من العيار التقيل

زي ما احنا عارفين إن كل الأزمات اللي بتمر بيها مصر من ارتفاع اسعار وغلاء المعيشة سببها ارتفاع سعر الدولار ووجود سوق سودا وانخفاض قيمة الجنيه… وفي وسط كل دا أكيد مش هيبقى من الطبيعي إنك تسأل هو الدولار ممكن يوصل 5 جنيه أو يرجع لسعر 5 جنيه، الإجابة فيها مفاجآت .. خليكم معانا.

أيوا الدولار ممكن يرجع لسعر 5 جنيه وممكن أقل كمان لان الموضوع مش مستحيل اقتصاديا وحسب معادلات بسيطة لو تم تحقيقها ومفهاش جدال، طيب امتى الدولار كان ب5 جنيه.. لما حضرتك كان المعروض منه كتير جدا في السوق والطلب عليه قليل من كل الاتجاهات وبالتالي سعره كان طبيعي ب5 جنيه ولأن العملة المصرية كانت قوية قدام الدولار والعملات التانية عشان كانت عندها أسباب القوة.

وبالتالي عشان الدولار يرجع ب5 جنيه يبقي لازم ترجع نفس الظروف وحسب حسبة العرض والطلب لأن الدولار زيه زي اي سلعة بيحكمها قانون واحد وأزلي وهو العرض والطلب، فلو زاد العرض بشكل كبير عن الطلب الدولار هينزل سعره بشكل كبير حسب ميزات السوق ولو المعروض مستمر في الزيادة الدولار هيستمر في النزول لغاية ما يوصل أدني سعر في السوق، يعني الموضوع مش مستحيل ولا موضوع إن الدولار لايقهر أو الجنيه ضعيف لكن كل ماقدرت الدولة توفر معروض من الدولار يبقي سعره هينزل.

وعشان حضرتك تتأكد إننا مش بنبالغ ولا بنشطح تعالي نشوف إيه اللي حصل في السوق السودا وليه الدولار نزل من 40 جنيه في الذروة لغاية ما وصل 35 جنيه دلوقتي وإيه اللي ممكن يخليه ينزل أكتر من كده كمان.. اللي خلى دولار السوق السودا ينهار هو نفسه اللي بنتكلم فيه وهو العرض والطلب ولما رئيس الحكومة طلع واتكلم عن وفرة متوقعة في الدولار الأسعار نزلت علي طول.. وهي نفس الفكرة لو الدولة قدرت توفر المبلغ اللي قالت عليه في السنة 191 مليار دولار وحصل وفرة كبيرة سعر الدولار عادي يرجع لـ5 جنيه لأن الموضوع اقتصادي بحت وفيه واحد زائد واحد يساوي اتنين، والسعر ينزل لما العرض يزيد والعكس صحيح.

وعلى فكرة دا مش كلامنا.. وطدا كلام خبراء البنوك واللي بيتعاملوا بمعادلات السوق وقواعد قانون سوق الصرف اللي بيحكمه مين عايز كام وعرض وطلب.