إحنا مش هانعملك إيداع.. يا ترى لية البنك رفض يعملك "إيداع"

لو أنت رايح تعمل إيداع لشخص تاني .. موظف البنك احتمال كبير يرفض يعمل الإيداع.. ودا في حالة أنك ماقولتش أية علاقتك بالشخص اللي عايز تعمله إيداع.

ودي مش رخامة من الموظف.. دا تعليمات البنك المركزي للبنوك في مصر.. لأن لازم البنك يعرف أنت علاقتك اية بالشخص اللي عايز تعمله إيداع.. وهل في مستند يثبت علاقتك بيه ولا لأ.

والسبب في أن البنك بيتحقق كدا.. من علاقتك بالشخص اللي عايز تعمله إيداع هو أن في عمليات غسيل أموال بتحصل.. وغالبًا الإيداعات الصغيرة بتكون جزء من العمليات دي.. وعلشان كدا.. لو هاتعمل إيداع لشخص تاني فلازم تجيب معاك مصدر المبلغ.. واية علاقتك بالشخص اللي هاتعمله إيداع.