مفاجأة هتقلب سوق الدهب.. شوف الجرام هيوصل لكام في أغسطس

المصريين ليهم اهتمام خاص بالدهب من أيام الفراعنة، والناس بتعتبره عزوة وامان للزمن من تقلبات السوق والأسعار عشان كده لما يحصل أي اضطراب في السوق بيجروا على الصاغة يشتروا حتى في عز الأزمة ووصول الجرام ل3 الاف جنيه.. ياترى سوق الدهب رايح على فين في الشهرين اللي جايين والأسعار هترفع ولاتنزل وامتي تشتري وامتي تبيع.

 
الدهب في مصر في العموم  ييتأثر بعوامل محلية وعالمية،  زي سعر الدولار، والعرض والطلب، التضخم، والأزمات السياسية والاقتصادية والأسعار العالمية، ولو رجعنا كام أسبوع للخلف هنلاقي إن حالة التذبذب فى اسعار الدهب استمرت مع انخفاض ملحوظ في الشهور اللي عدت ودا نتيجة ضغوط واستمرار عمليات البيع والتنازل عن المعدن الاصفر خلال الفترة الماضية من جانب المدخرين والمستثمرين على حد سواء نتيجة استمرار نزيف الخسائر  بسبب انخفاض الاسعار بشدة وعلى سبيل المثال انخفض سعر جرام  عيار 21 من مستوى 2850 جنيه الى 2165 جم خلال 4 شهور فقط مع وجود توقعات للتحليلات المالية والاقتصادية بوجود فرص لاستمرار انخفاض الاسعار خلال الفترة الحاية.

وبالنسبة لتوقعات سعر الدهب في أغسطس وسبتمبر اللي جايين  فحسب الأحداث الاقتصادية الجارية والتقارير والتحليلات المالية والعالمية ممكن التنبؤ بسعر الدهب على المدى القصير، وممكن نستخدم بعض المؤشرات والاتجاهات لتقديم تقديرات محتملة لاسعار الدهب في الفترة الجاية.

ومتوقع في الفترة دي استمرار التذبذب في سعر الدهب خلال أغسطس وسبتمبر 2023،  ومع توقعات بحدوث انخفاض طفيف فى الاسعار ودا هيكون بحسب تطورات سعر الدولار والوضع الاقتصادي والسياسي في مصر والعالم في الوقت دا. ومن المحتمل أن يتراوح سعر جرام الذهب عيار 21 بين 2000-2200 جنيه حسب توقعات الخبراء، واللي أكدوا إن سوق النقد بيمر بحالة من الاستقرار الكبير في الفترة دي مع توقعات بتوفر الدولار بشكل كبير في الفترة الجاية حسب تصريحات الدكتور مصطفي مدبولي رئيس الوزراء وأي استقرار في سعر الدولار بينعكس على الاستقرار في سوق الدهب ومعني الاستقرار إنه مفيش أزمات تخلي الناس تجري تشتري الدهب للتحوط من الخطر وبالتالي الأسعار هتنزل طالما الطلب عليه هيقل.