٣ مؤشرات بتقول إن مصر هاتخرج من أزمتها الاقتصادية

السؤال اللي دايما الناس بتطرحه.. هل في بوادر لحل مشكلة الدولار وتحسن المستوى الاقتصادي للدولة.. وهل هو كافي ولا لأ.

خلونا نقول لحضراتكم إن في فعلا مؤشرات بتقول إن في بوادر لحل الأزمة الدولارية.. ودا بيتمثل في أن مصر سجلت زيادة فى الاستثمار الأجنبى المباشر إلى 11 مليار دولار فى 2022.. ودا نتيجة لنمو مبيعات الاندماج والاستحواذ عبر الحدود خلال 2022.

كمان مصر بتسعى لطرح 32 شركة من الشركات المملوكة للدولة في البورصة أو على مستثمر استراتيجى خلال الأربع سنوات المقبلة بحصيلة مستهدفة تبلغ نحو 40 مليار دولار.. وبالفعل خلال الأيام اللي فاتت.. تمكنت الحكومة من بيع حصص لشركات مملوكة للدولة تقدر ب ١.٩ مليار دولار.. ودا مؤشر بأن الحكومة قادرة على بيع عدد من الحصص في المستقبل لسد الفجوة الدولارية اللي قدرها صندوق النقد الدولي ب ١٨ مليار دولار.

كمان من المؤشرات الهامة اللي لازم نركز عليها هو زيادة دخل القطاع السياحي واللي ارتفعت إيراداتها  خلال العام الماضى 2022، بنسبة 37% مسجلة نحو 12.2 مليار دولار.