مصر مركز عالمي لتصدير القطارات والمترو.. قصة أعظم مشروع لألستوم الفرنسية

معروف إن البنية التحتية في أي دولة هي الأساس لعمل أي نهضة اقتصادية ومن غيرها يبقي الحكومات بتضحك على شعوبها، ومن 9 سنين مصر بدأت تبقى دولة حقيقية مش شبه دوله وقررت تننفذ كل المشروعات العملاقة اللي تخليها قادرة على العيش والمنافسة وجذب الاستثمارات في كل المجالا ولما مصر انطلقت بقت مركز عالمي للشركات العالمية في كل المجالات وفي المقدمة منها قطاع النقل الحديث بكل أنواعه قطارات سريعة ومترو أنفاق ومنوريل وقطارات معلقة وكل القطاع اللوجيستي الداخلي.. مصر قفزة قفز جديدة في مجال قطاع النقل نقلة بنكهة فرنسية.. إيه اللي حصل وإيه المشروع العملاق اللي هيوطن صناعة وسائل النقل الحديث في مصر وكل الصناعات المتعلقة بيه والمشروع الجديد هيوفر قد إيه عملة صعبة.

من شوية قريينا أخبار عن موافقة الدكتور مصطفي مدبولي رئيس الحكومة على الخطة الاستثمارية المقدمة من شركة ألستوم الفرنسية واللي مايعرفش ألستوم دي نجب نقولهم دي عملاق صناعة المترو والقطورات ومهماتهم في العالم كله.. والشركة الفرنسية دي قررت تعمل حاجة نادرة مش بتعملها في أي دولة وهي توطين صناعة القطارات والمترو في مصر وكمان كل قطع الغيار والضفاير وغيرها من خلال مجمع صناعيّ ضخم وعملاق في مدينة برج العرب الإسكندرية .

المشروع هيدخل خلاص حيز التنفيذ الفعليبعد موافقة الحكومة المصرية على الخطة المقدمة من الشركة، مع دراسة المطالب والحوافز المقدمة من الشركة لبدء تنفيذ خطتها، والمشروع بيتضمن إنشاء مصنعين للشركة، الأول لإنتاج الأنظمة الكهربائية ومكونات السكك الحديدية من إشارات، ولوحات، ودوائر كهربائية للتحكم، وضفاير كهربائية وغيرها، والمصنع التاني لإنتاج كل أنواع الوحدات المتحركة يعني القطارات لخطوط المترو، والترام، LRT، المونوريل، القطار السريع وغيرها، يعني هتكون عندنا صناعة متكاملة للقطارات والمترو.
عشان نعرف قد إيه مصر هتوفر عملة صعبة في أخر صفقة ليها اتعاقدت على 55 قطار بحوالي مليار يورو، لمترو الخط الأول ودي صفقة واحدة بس تخيل بقى لو هتستورد لبقية الخطوط هتكلف كام، ومش كده وبس دا الخطة اللي أعلنتها وزارة النقل واخدة في اعتبارها إن مصر تبقي مركز تصدير للقطارات في افريقيا ومشروع ألستوم الفرنسية مش لوحده في مصر وفيه مشروعات تانية كبيرة مع الشركات الإسبانية والروسية المتخصصة في صناعة القطارات والمترو والموضوع كبير جدا.

ونرجع للشركة الفرنسية وحابين نقول لحضراتكم إن حجم مشاريع السكك الحديدية لـ"ألستوم" في المنطقة كلها بيوصل لـ 12 مليار يورو، تلتها  في مصر، يعني حوالي 4 مليار يورو بحسب تصريح سابق لأندرو ديلون، رئيس الشركة في الشرق الأوسط وأفريقيا وآسيا الوسطى دا غير طبعا استثمارات المصانع الجديدة.
على فكرة الشركة الفرنسية "الستوم" هي اللي بتنفيذ خطوط المونوريل بالقاهرة والخط التالت لمترو أنفاق القاهرة و هتبدأ قبل نهاية السنة تنفيذ الخط السادس لمترو أنفاق القاهرة الكبرى والمجمع الصناعي الجديد المفروض هيلبي احتياجات الشركة من الأنظمة الكهربائية لتنفيذ مشروعاتها في مصر بدلًا من إستيرادها من مصانعها بمدينة كريسبن الفرنسية، ودا بخلاف توريد القطارات الى مشروعات النقل الكهربائي الجاري تنفيذها في مصر.