هدية بوتين لمصر اللي هتقلب الموازين وهتغير المعادلة الاقتصادية

  
من كام يوم الرئيس الروسي فلاديمير بوتين اعلن ان روسيا هتنفذ مشروع ضخم في مصر هيقلب الموازين وهيغير المعادلة الاقتصادية في الشرق الأوسط.. ويومها طلب رئيس دولة الامارات العربية الشقيقة الشيخ محمد بن زايد مشاركة روسيا في المشروع الجديد.. فيا ترى ايه هو المشروع ده ؟وايه أهميته بالنسبة لمصر؟ وايه سر اهتمام الجانب الروسي بتنفيذه في أسرع وقت؟ وليه الامارات مهتمة بالمشاركة في المشروع؟
فاااصل 
من أكتر من 10 سنين والرئيس الروسي مهتم بانشاء منطقة صناعية روسية في منطقة قناة السويس ، وبدأت المفاوضات المصرية الروسية حول إنشاء المنطقة الصناعية الروسية بعد اجتماع بين الرئيس عبدالفتاح السيسي و بوتين فى 2014، وفى شهر أغسطس 2017 بدأت المفاوضات الفعلية حوالين إنشاء المنطقة.
وبيعد مشروع إنشاء المنطقة الصناعية الروسية فى مصر فريد من نوعه، وروسيا ما نفذتش مشروعات ضخمة بالشكل ده في دول عربية من وقت انهيار الاتحاد السوفيتي.
و بيوفر المشروع المحوري للتعاون الروسي المصري مجالات تعاون بين القاهرة وموسكو في صناعات مهمة زي السيارات والبتروكيماويات والطاقة والدواء ومواد البناء الثقيلة، وتعتبر المنطقة الاقتصادية قاعدة انطلاق لتوسيع الأعمال التجارية للشركات الروسية فى مصر والشرق الأوسط وأفريقيا، وبيتم النظر للمنطقة الصناعية الروسية كمشروع رائد فى المنطقة الاقتصادية لقناة السويس.
ووفقا للتقديرات المبدئية هتبلغ استثمارات المنطقة الصناعية الروسية في مصر ما يقرب من 10 مليار دولار، وهيطلق عليها اسم "صن سيتي" أى مدينة الشمس وهتقام على مساحة 2000 هكتار، وب تقع المدينة على الساحل المصري للبحر الأبيض المتوسط، بالقرب من قناة السويس، اللى من خلالها بتمر 20% من التجارة العالمية. 
ومصر وروسيا بينهم تعاون كبير الفترة اللى فات ومن كام يوم السفير الروسي في القاهرة كان أعلن ان مصر اتقدمت رسميا بطلب للانضمام الى مجموعة البريكس اللى بتقوده روسيا وبتضم دول تانى مهمة زي الصين والهند وجنوب افريقيا والبرازيل، والمجموعة بتعمل على استحداث عملة دولية بديلة للدولار بعد ما أمريكا قررت استخدام الدولار في حربها ضد روسيا عقب الغزو الروسي لاوكرانيا.