الهند هتحل لمصر أزمة الدولار.. اتفاق تاريخي هيقلب الموازين

 
مصر في الفترة الأخيرة بتلعب اقتصاد صح ومش بتسيب أي فرصة تقدر تحقق من خلالها مكاسب الا وبتجرى وراها وبدل ما كنا معتمدين على دول بعينها في علاقاتنا الخارجية بقينا منفحتين على الدول كلها وبعد سنين من التركيز مع أمريكا والغرب مصر قررت تروح للمعسكر الاسيوي وتقوي علاقاتها بدول مهمة وكبيرة وليها تأثير في حركة التجارة العالمية.. ومع استمرار أزمة الدولار وتفاقمها فيه دول صديقة قررت تمد ايدها لمصر وتقف معاها ومن الدول دي دول الهندي اللى بيبلغ حجم التجارة بينها وبين مصر سنويا ما يقرب من 8 مليار دولار.. فيا ترى الهند هتعمل ايه لمصر الفترة الجاية؟ وإيه علاقة اللي هيحصل بأزمة نقص العملة الأجنبية؟ 
 
من كام يوم وزير التموين على مصيلحى كان ليه تصريحات مهمة أهلن فيها ان مصر دخلت في مفاوضات قوية مع المسئولين في دولة الهند لتوقيع اتفاق تاريخي هيتم بمقتضاه مقايضة وتبادل السلع بين القاهرة ونيودلهي يعني مصر تاخد مثلا من الهند قمح ولحوم وزيوت وتديها مكانها غاز وأسمدة وقطن من غير ما أي دولة فيهم تدفع دولار واحد.
ومن كام ساعة بدأت تحصل تسريبات من الجانب الهندي بتقول ان الحكومة الهندية بتدرس بشكل جدي اقتراح لبدء اتفاق مقايضة سلع مع مصر في إطار اتفاق أشمل ممكن يشهد تمديد نيودلهي خط ائتمان إلى القاهرة بقيمة مليارات الدولارات.
ووفقا للتسريبات من المرجح الإعلان عن الاتفاق بين مصر والهندي نهاية الشهر الجاري خلال الزيارة الأولى لرئيس الوزراء الهندي ناريندرا مودي إلى القارهة في اطار زيادة أوجه التعاون بين البلدين. 
الاتفاق هيسمح لمصر كمان انها تشترى احتياجاتها من السلع الهندية وتسويها بالعملة الهندية الروبل وبتتشاور حاليا وزارة الخارجية الهندية مع الإدارات المعنية لمناقشة مدى رغبتها في شراء الأسمدة والغاز من القاهرة كدفعة جزئية لخط الائتمان.
وبتحرص الهند على تنويع وارداتها من الأسمدة خاصة بعد عام 2021 بعد ما واجهت بعض الولايات الهندية نقص بسبب قيود الصادرات الصينية وارتفاع الأسعار القياسي وبتعتمد على سد جزء كبير من احتياجات الأسمدة على مصر في حين ان مصر بتستورد جزء كبير جدا من احتياجاتها من القمح من الهند 
وسجلت الواردات المصرية من الهند ارتفاع ملحوظ خلال الفترة من يناير وحتى أكتوبر 2022، مقارنة بنفس الفترة من 2021، و بلغت قيمتها الإجمالية نحو 3.7 مليار دولار خلال أول 10 أشهر من عام 2022، مقابل 2.5 مليار دولار خلال نفس الفترة من عام 2021 بنسبة زيادة بلغت 44.8%.

وأظهرت بيانات الجهاز المركزي للتعبئة العامة والإحصاء، أهم 5 مجموعات سلعية استوردتها مصر من الهند ومنها لحوم بقيمة 588.7 مليون دولار و حديد وصلب بقيمة 507.3 مليون دولار ووقود وزيوت معدنية ومنتجات تقطيرها بقيمة 440.6 مليون دولار، و منتجات كيميائية عضوية بقيمة 298.7 مليون دولار، مراجل وآلات وأجهزة آلية بقيمة 210.4 مليون دولار.