مين مسئول عن كبح ارتفاع الاسعار؟

البنك المركزي لوحده ميقدرش ينجح في خفض أسعار السلع والمنتجات، الحكومة عليها دور كبير وكمان القطاع الخاص ومؤسسات العمل الخيري، ووزارات التموين والتجارة والداخلية والزراعة والمالية.

ودا لأن تعدد منافذ الإنتاج بيخفض الأسعار.. زي إن الحكومة تنتج سلعة معينة والقطاع الخاص كمان ينتجها وبالتالي سيولة وجود السلعة دي هايخفض من إنتاجها.

في ناس هاتقول الحل في رفع سعر الفايدة.

نحب نقولك إن سعر الفايدة لوحده مش كفاية، لأن التضخم في مصر تضخم مستورد من الخارج وتضخم ناتج عن ارتفاع التكاليف، ودي تكاليف خارجة عن إرادتنا، يعني صعب جدا ان سعر الفايدة ينجح في كبحه.

الحل في كثرة الإنتاج وزي ما قال الرئيس السيسي من يومين الفجوة الدولارية هاتقل لما تكون الصادرات أكبر من الواردات.. الحل في كثرة الإنتاج والتصدير.. علشان الأسعار تنزل.