إنجاز تاريخي.. العاصمة الإدارية الجديدة حققت اية لحد دلوقتي؟

من وقت إنشاء العاصمة الإدارية الجديدة والاتهامات مش مبطلة.. واللي يقولك اية لازمتها دلوقتي.. واللي يقولك ما كنا عملنا بفلوسها مصانع وغيره.

اللي ماتعرفوش بقى إن مشروع العاصمة الإدارية الجديدة، دة مشروع بيوفر فرص عمل بحجم سكان دولة زي لبنان، وبيشتغل فيه 60 مطور عقاري.

دا غير إن مبيعات الأراضي من المرحلة الأولى فقط كانت 300 مليار جنيه، ودة اللى سمح للمشروع أنه يصرف على نفسه بدون ما يكون عبء على الموازنة العامة وكمان يورد فائض للخزانة من دفع الضرايب على أرباحه.

طيب أنت عارف إن.. شركة العاصمة الإدارية دخلت قائمة أكبر 20 ممول للضرائب آخر 4 سنين.

كمان حجم الإنشاءات الضخم اللى في المشروع زي الحي الحكومي وحي الأعمال والأحياء السكنية والطرق الداخلية وشبكة البنية التحتية بتجيب بضاعة ومواد خام حديد واسمنت وطوب وغيره من مصانعنا المحلية، المصانع دي بتخدم على الشركات اللى بتشتغل في المشروع، الشركات دي بتكسب وبتدفع ضرايب للبلد وبتشغل ناس وبتدفع مرتبات.

المشروع ضخم ومؤثر لدرجة أن وكالة "فيتش" وصفته في أحد تقاريرها أن "مشروع العاصمة الجديدة يمثل محرك جديد للنمو الإقتصادي لمصر".. يعني مشروع العاصمة ناجح وزي ما ناس بتتداول بأن فلوسه راحت في الأراض.