مشروع كبير في مدينة العلمين الجديدة.. هيوفر فرص عمل و هيجيب عوائد

هو كله مباني مباني.. مافيش مصانع خالص.

دا اللي ناس كتير بتتكلم عنه من غير ما يشاوروا برضوا للمصانع والإنتاج.. خاصة لما بيجي الكلام عن مدينة العلمين الجديدة.. واللي دايما بيتردد بأن مافيهاش مصانع خالص.

لكن الواقع أو اللي هايبقى واقع غير كدا خالص.

ودا لأن اللي بيحصل في مدينة العلمين الجديدة.. مهم وكبير.. لأن هناك في شركة اتأسست بالفعل لإقامة مجمع مصانع لإنتاج السيليكون المعدني.
 

والمشروع دا هيبدأ تنفيذه قريبا، وبيتضمن 4 مراحل، وبيستهدف جذب شريك تكنولوجي لتطوير العمل.. والهدف من كل ده هو توطين صناعة الرقائق الالكترونية اللي في دول كتير مركزة معاها دلوقتي..

وبالمناسبة مصر عندها إمكانيات معتبرة من الخامات المعدنية خصوصا الرمال البيضاء والكوارتز "اللي اتعمل له مجمع افتتحه الرئيس مؤخرا"، والشغل اللي بيتعمل هدفه تعظيم الاستفادة من الخامات وتقديم قيمة مضافة بدل ما نبيعها لوحدها.

والمشروع دا أكيد هايوفر فرص عمل كتير وهايساهم في دعم الاقتصاد الوطني.