بعد الحبتور… العبار يكشف عن هدية ضخمة لمصر

رغم إن البزنس والاستثمارات مايعرفوش العواطف ولا العشم لكن في مصر الوضع يختلف والعلاقة بين بعض المستثمرين العرب ومصر بقت علاقة خاصة علاقة ولاد البلد ووطنهم التاني وكانوا ومازالوا حبهم لمصر هو الغالب وفيه أسماء كتير منهم لسه شغالين في مصر واللي رحلوا عن عالمنا لسه ولادهم مكملين في مصر.. ومن أشهر رجال الأعمال الشيخ صالح كامل  والوليد بن طلال وماجد الفطيم وفوزى الخرافى وعائلته، وفواز الحكير ورجل الأعمال عبد الله أحمد الشاهين و خلف الحبتور وعبد الإله كعكى وعبد العزيز الغرير، و محمد علي العبار. وكلهم من دول الخليج.

خلف الحبتور

من كام  يوم اتكلمنا عن تصريحات رجل الأعمال الاماراتي العاشق لمصر خلف الحبتور ومشروعاته الضخمة في مصر وتصريحاته عن الاستثمار في مصر.. النهاردة عن هنتكلم عن رجل الاعمال الاماراتي بردو ا محمد العبار رئيس شركة
إعمار مصر العقارية، واللي ليها سنين في مصر واللي في كل مناسبة بيدعوا المستثمرين للحضور لمصر وإنها سوق مفتوح لكل الاستثمارات زيها زي أوروبا وأمريكا وامكن أحسن واتكلم إن مشروعاته حققت المليارات من الأرباح وإن السوق المصري مليان فرص كبيرة في كل المجالات وخاصة العقارات والمقاولات ومشروعات الاسكان والمنتجعات.

شركة إعمار مصر

وكفاية نعرف أن اعمار مصر هي اللي عاملة مراسي الساحل الشمالي وفنادق العلمين وطورت مكتبة الإسكندرية ومشروعات تانية كتير زي كمبوند اب تاون كايرو المقطم وكمبوند ميفيدا القاهرة الجديدة وكلها مشروعات بمليارات الدولارات.

وفي أخر السنة اللي فاتت أعلنت "إعمار مصر للتنمية" إطلاق مشروع جديد باستثمارات 3 مليار دولار، لانشاء 2500 وحدة، سكنية وتجارية وسياحية، وإن هيتم تسليم أول مراحل المشروع خلال عامين، وبلغت حجم استثمارات "إعمار" في مصر اكتر من 250 مليار جنيه يعني حوالي 13.2 مليار دولار تقريباً بأسعار زمان.

مؤسس شركة إعمار العقارية 

محمد العبار، مؤسس إعمار العقارية، مدح في أداء شركات المقاولات المصرية  وإنها اطورت 180 درجة في الفترة الأخيرة، نتيجة امتلاك مصر شركات مقاولات واستشاريين اعتبرهم العبار الأفضل في العالم، سواء من ناحية السرعة والدقة في التنفيذ، ونوعية المنتج الذي تقدمه تلك الشركات؛ وهو ما يساعد الشركة على التوسع خلال خطتها المستقبلية وتقديم كل ما هو جديد للعملاء.
الجديد في كلام العبار إنه استثماراته بتزيد في مصر وإنها سوق واعد ودعوته للمستثمرين للاستثمار في مصر وأكيد هيكون ليها رد فعل على الأرض، وووجهة نظره اللي سبق وطرحتها بانكير بأهمية الاستثمار العقاري وتأهيل الشركات المقاولات المصرية  للانطلاق عالميا.