الكيلو وصل 400 جنيه.. كيف تفكر الحكومة في حل أزمة اللحوم؟
مصر فى الكام شهر الأخيرة بتعاني من ارتفاع كبير فى اسعار اللحوم الحمرا وسعر الكيلو وصل فى بعض المناطق الى 400 جنيه وده سعر صعب جدا على الطبقات الفقيرة ومتوسطة الدخل.. وعشان كده الحكومة بدأت تتحرك لحل الأزمة وتوفير اللحوم يأسعار مناسبة.. فيا ترى ايه اللي حصل ؟ وازاى ممكن اسعار اللحوم تنزل؟
أزمة اللحوم
الدكتور مصطفى مدبولى، رئيس مجلس الوزراء قابل النهاردة حمزة عبدى برى، رئيس وزراء جمهورية الصومال الفيدرالية، وخلال اللقاء اتكلم رئيس الحكومة مع المسئول الصومالي عن إمكانية تعزيز التعاون مع الصومال فى مجال استيراد الثروة الحيوانية، وأعطى تعليمات للجهات المعنية بالتواصل مع السفير الصومالى فى القاهرة لترتيب كل الأمور المتعلقة ببدء عمليات الاستيراد من الصومال
وخلال اللقاء أعرب رئيس وزراء الصومال عن بالغ تقدير بلاده للدعم المصرى للصومال عبر التاريخ، وأكد أن دعم مصر المتواصل للشعب الصومالي أسهم فى تخفيف المعاناة خلال أوقات الأزمات، وأسهم فى تعزيز قدرات الدولة على الصمود.
استيراد اللحوم
تصريحات رئيس الوزراء الصومالي ومدى محبته للشعب المصري هتساعد مصر كتير فى مفاوضات استيراد الثروة الحيوانية من الصومال.
طب السؤال هل استيراد لحوم من الصومال ممكن يحل الأزمة؟
عشان نجاوب على السؤال ده لازم فى الأول نعرف اسعار اللحوم فى الصومال عاملة ازاي وهل لما تيجي مصر هتحل الأزمة ولا لأ.
تمن العجل فى الصومال نحو 400 دولار فقط يعني حوالى 12 الف جنيه مصرى، وتمن الخروف حوالي 60 دولار ودي اسعار رخيصة جدا يعنى حتى بعد ما نضيف ليها تكاليف الاستيراد اسعار اللحمة الصومالى هتكون رخيصة جدا بالاضافة كمان لقيمتها الغذائية الكبيرة لأن الأبقار والعجول والأغنام والماعز وغيرها من الماشية بتتغذى فى السودان من مزارع طبيعية.
اللحوم السودانية
وممكن استيراد الثروة الحيوانية من السودان حية ويتم دبحها هنا فى مصر أو مدبوحة وتدخل السوق جاهزة للاستخدام على طول، وخلال الأيام الجاية هنبدأ نشوف كميات كبرية من اللحم الصومالى مؤكد هتساهم فى انخفاض سعر اللحمة فى الأسواق.
