هو الوقت الحالي مناسب لشراء سيارة جديدة؟
أسعار العربيات في مصر في الوقت الحالي مرتفعة جدًا.. العربية اللي كانت بـ 300 ألف بقت بـ 600 ألف و 700 ألف.. ودا نتيجة للمتغيرات الاقتصادية اللي حصلت واللي أثرت على كل المنتجات في السوق.
وللأسف المتوقع أن أسعار السيارات في طريقها للزيادة مش الانخفاض.. إلا في حالة إن مصر أسرعت من تصنيع وإنتاج المزيد من السيارات ودا بعد الاتفاقيات الموقعة مع الشركات الهندية.
بس في الوقت الحالي.. لو أنت عندك عربية فالأفضل أنك تحافظ عليها.. لأن دا مش وقت أنك تجيب سيارة جديدة.. صلح القديمة أو جددها وكمل بيها.
أما .. لو أنت مضطر تشتري علشان تقضي بالعربية مصالحك ومشاوريك فمش لازم تشتري حاجة آخر موديل.. أشتري الموديلات المتوفرة في السوق بشكل كبير وسعرها معقول.. مش لازم حضرتك تركب bmw في الظروف دي يعني.
والأفضل كمان أنك تشتري السيارة بالتقسيط مش لازم يكون معاك المبلغ كله كاش علشان تحافظ على السيولة معاك.. وحاول تختار أفضل معرض سيارات بيقدم أقساط مريحة وسعره كويس.
