هل ممكن ترجع شهادة الـ ٢٥٪.. وأية أفضل شهادات دلوقتي؟

البنك المركزي قرر الخميس الماضي تثبيت سعر الفايدة.. وخلى  سعري عائد الإيداع والإقراض لليلة واحدة وسعر العملية الرئيسية للبنك المركزى عند مستوى 18.25%، 19.25% و18.75% على الترتيب.

وزي ما قولنا مافيش كدا شهادات مرتفعة العائد زي شهادة ٢٥٪ اللي انطرحت من فترة.

والكلام بشأن عودة شهادة ال ٢٥٪ دا غير صحيح إطلاقاً.. لأن المركزي ثبت الفايدة مش رفعها.

والبنك المركزي رفع الفايدة بنسبة ١٠٪.. ٨٪ خلال السنة اللي فاتت و٢٪ السنة دي.

وخلينا نقولك إن قدامك دلوقتي الشهادات اللي بتتراح ما بين ١٩٪ و٢٢٪ اللي بتطرحهم البنوك العامة زي بنك مصر والبنك الأهلي.

وفي كمان حساب التوفير اللي أعلن عنه البنك المصري الخليجي.. اللي بيوفر العائد بنسبة ٢٣٪  لأول سنة وبعد كدا بيكون متغير وفقاً للفايدة في البنك المركزي .

وممكن الناس تلجأ  لأذون خزانة أو صناديق الاستثمار في الذهب.