تاني أكبر مشروع في تاريخ مصر.."شرق العوينات" هيقلب الموازين

النهاردة الرئيس السيسي شهد مراسم بدء موسم حصاد القمح في مشروع شرق العوينات اللي ناس كتير متعرفش عنه معلومات كافية وأهمها ان شرق العوينات ده تانى أكبر مشروع فى تاريخ مصر بعد مشروع توشكى.. وفى الفيديو ده هنقول لحضراتكم كل المعلومات عن مشروع هقلب الموازين وهيغير معدلات الأمن الغذائي فى مصر.
 
 الحكومة بتنفذ مشروع شرق العوينات اللي بيعتبر تاني أكبر مشروعات التنمية الزراعية المنفذة في جنوب الوادي ، فى المنطقة اللى بدأ العمل فيها من سنة 1996، لزراعة القمح بمساحة تتجاوز 500 ألف فدان، فى التربة الغنية والخالية من أى ملوثات وده بيخليها بيئة مثالية للزراعة 
وبيهدف المشروع لإضافة نحو 230 ألف فدان للرقعة الزراعية يتم ريها بالكامل من مياه الخزان الجوفي في المنطقة وبيطبق المشروع أسلوب الزراعة النظيفة بهدف توفير إنتاج زراعي خال من الملوثات يتم تصديره للخارج، ويبلغ عدد الشركات المخصص لها أراضى بالمنطقة 16 شركة كلها بدأت التنفيذ على ارض الواقع.
ومن أهم المحاصيل المزروعة بالمنطقة القمح والشعير والبطاطس والفول سوداني ومحاصيل الأعلاف ومانجو وجوافة وتين ومحاصيل تانية كتير.
وبتستهدف الشركات الاستثمارية بمنطقة شرق العوينات العمل في المجال الزراعى والحيوانى،و بتساهم في إنتاج كميات كبيرة من اللحوم للسوق المحلية، وبيضم المشروع  أكبر مزرعة مصرية للنعام.
وانتهت الدولة من مشروع ربط منطقة شرق العوينات بالكهرباء من الشبكة الموحدة من أبوسمبل بتكلفة 1.6 مليار جنيه، وتم تنفيذ مشروع صوامع الغلال بسعة 60 ألف طن بتكلفة 120 مليون جنيه.
وحرصت وزارة الزراعة على النهوض بالثروة الحيوانية بالوادى الجديد، خاصة منطقة شرق العوينات باعتبارها منطقة خالية من التلوث البيئي وتعد من أفضل مناطق التربية وتحسين السلالات؛ وافتتحت الوزارة داخل المشروع  مزرعة إنتاج حيواني بالاشتراك مع الجانب الأسترالي تسع5000 رأس ملحق بيها عدد 3 وحدات تصنيع أعلاف وتم استيراد عجول خليط أسترالى كما تم استيراد رؤوس تسمين من ألمانيا، بالإضافة إلى محطة إنتاج حيوانى قديمة موجودة بالمنطقة فيها قطيع من الأبقار خليط فرزيان وقطيع أغنام وقطيع من الإبل.
شرق العوينات مش مشروع زراعي ولا حيواني بس ده كمان هيكون واحد من مصادر الطاقة فى مصر ، والدولة أنشأت هناك مزرعة الطاقة الشمسية ومساحتها الإجمالية 200 فدان لتجربة وتقييم استخدام مصادر الطاقة المتجددة بمنطقة شرق العوينات، وبتتولى الهيئة العامة لمشروعات التعمير والتنمية الزراعية والهيئة القومية للاستشعار عن بعد تقييم المخاطر البيئية لحركة الكثبان الرملية والفوالق الأرضية باستمرار.
يعنى من الآخر مشروع شرق العوينات ده هيحقق الأمن الغذائي فى الداخل وهيوفر احتياجات مصر من كتير من السلع وكمان هيدخل للبلد دولارات من عملية التصدير