تصرف مفاجيء من صندوق النقد بخصوص مصر

من فترة ظهر إن فيه مشكلة بين صندوق النقد الدولي ومصر بسبب شروط الصندوق وطلباته الكتير ورفض مصر لحاجات كتير كان عاوزها عشان مايحصلش دروب في الأسواق.. ياترى إيه اللي حصل نهاردة والصندوق قرر بيه يصالح مصر ويوقف جمبها

من شوية هاد أزعور  مدير إدارة الشرق الأوسط وآسيا الوسطى في صندوق النقد الدولي طلع على منصات الإعلام وقال إن الصندوق قرر يدعم الدول المجاورة للسودان زي مصر عشان الضغوط الاقتصادية والمالية والاجتماعية اللي زادت على مصر وجيران السودان بسبب عمليات النزوح وتأثر حركة التجارة والتبادل التجاري بين السودان ودول الجوار.

وقال مدير الصندوق إن فيه لجنة بتراقب الوضع السوداني وهتدرس طلبات التحوط من المخاطر اللي هتحتاجها مصر وبقية الدول اللي ليها حدود مع السودان وقال كمان إن الاستمرار بمكافحة التضخم ورفع الفوايد أثرا سلبي على النمو العالمي في 2023 وزود في كلامه إن الصندوق بيراعي ظروف الدول في الأزمات الكبيرة خاصة دول الجوار لمناطق النزاع.

أزعور اتمكلم على مصر وقال إنه يجب العمل على توسيع قدرة اقتصاد مصر على استعادة النمو، وإعطاء مساحة أكبر لمشاركة القطاع الخاص، وكلام أزعور بيجي بعد حدوث انفراجة مع صندوق النقد اللي طلع أخيرا وقال كلام إيجابي  عن مصر وانها ملتزمة بتحرير السعر المرن للجنيه والإصلاحات المطلوبة وإن لجنة المراجعة بتاعة الصندوق هتجتمع قريب عشان تناقش مع مصر ودا بيفتح الطريق لصرف الدفعة التانية من قرض ال3 مليار دولار.
ونرجع لمدير الصندوق وتصريحاته عن مساعدة مصر بسبب تداعيات حرب السودان ونقول إنه محددش الطريقة اللي الصندوق هيساعد بيها مصر وهل هتكون منح وقروض مجانية ولا مساعدات فنية ولا قروض بفوايد قليلة وكل دا أكيد هيبان في الأيام الجاية.
طبعا مساعدة الصندوق لمصر مش لاسباب إنسانية بالعكس دا لمصلحة الصندوق إن مصر تقدر تواجه تحديات الحرب في السودان عشان يكمل معاها اتفاقياته ولأن مصر كمان تعتبر زبون كبير للصندوق وبيكسب من وراها طبعا، ولغاية الحرب ماتخلص في السودان هنعرف اثارها والخساير قد ايه.