ماهي القروض المضمنة؟.. وازاي تعرف تستفيد منها ؟

عمرك سمعت قبل كده عن القروض المضمنة.. طب تعرف ايه هي البنوك اللي بتصرفها؟ طب تعرف فوايدها كام؟ لو عاوز تعرف اجابة كل الأسئلة دي شوف الفيديو ده للاخر

كتير من البنوك  وفي مقدمتها البنك الاهلي المصري بتمنح قروض  بضمان الشهادات الاستثمارية.. والقروض دي بيطلق عليها القروض المضمنة.. وناس كتير معندهاش المعلومات الكافيةعن النوع ده من القروض  وازاي ممكن تستفيد منها ولا ايه هو القرض المضمن اصلا.

ماهي القروض المضمنة 

القرض المضمن هو قرض بضمان أوعية إدخارية ليك فى البنك، سواء كانت الأوعية دي (شهادات أو حسابات توفير أو ودائع، أو وثائق صناديق الاستثمار).

النوع ده من أسهل أنواع القروض فى البنوك، لان الأوعية الإدخارية هى الضامن، وبالتالي البنك مش محتاج يقوم بعملية استعلام أو أى شكوى أو غيرها من الإجراءات والأوراق من مكان عملك، وكل اللي بيحتاجه هو التوقيع على أوراق القرض، ويقوم البنك خلال أيام بوضع المبلغ فى حسابك.

القرض بضمان الشهادة

بس خد بالك انت لما بتاخد القرض المضمن بضمان الشهادة مش هتعرف تفك الشهادة غير لما تسدد قيمة القرض بالكامل لان ناس كتير بعد فترة من سحب القرض المضمن بتبقا عاوزة تفك الشهادة او الوديعة ومش بتعرف تعمل كده.

وممكن السبب في ده عدم قيام الموظف بتوضيح كل المعلومات للعميل، وعادة يخفى النوظف أنه قرض، ويعطى المعلومات اللى تفيد العميل فقط، أو ان العميل لم يدرس  الالتزامات اللى عليه فيأتى بعد فترة قصيرة، ويحتاج للفلوس، مما يؤدى إلى تحقيق خسائر تغضب العميل.

موعد كسر الشهادة

ولو فكرت تاخد القرض المضمن لازم تكون على وعى بأنك مش هتقدر تستفيد من عائد الشهادات، طوال فترة القرض (من سنة حتى عشر سنين) والحاجة التانية  مش هتقدر تكسر الشهادة إلا بعد سداد القرض، وفيه خساير كسر الشهادة، وخسائر عمولة السداد المعجل.

والنوع ده من الاستثمار ليه فوايد فقط إذا كنت لا تحتاج لأصل المبلغ والعائد خلال فترة القرض اللي قمت باختياره. أو فى حالة أنك قمت بتجميع مبلغ خلال حياتك، تريد شراء سيارة أو شقة، وتريد فى نفس الوقت الاحتفاظ بالمبلغ فى الحالة يكون القرض المضمن خيار كويس جدا

ولازم تسأل  الموظف عن عمولات التأخير عن السداد، وعن المصاريف الإدارية والدمغة عشان تكون ملم بكل تفاصيل القرض، ومن الأفضل تسأل الموظف عن كل التفاصيل، وتكتب وراه كل حاجة بيقولها وتذاكرها كويس اوي قبل ما تاخد القرار.
دي كانت كل المعلومات اللي لازم تعرفها عن القرض المضمن.. وازاي تستفيد منه.. استنونا وخدمات بنكية جديدة.. كل سنة وحضراتكم طيبين