اية الوقت المناسب ل«بيع» و«شراء» الذهب؟

اتكلمنا في الموضوع دا اكتر من مرة.. وهانكرر كلامنا تاني علشان أغلب الناس بتقع في نفس الخطأ.

بالنسبة لموعد شراء الذهب.. فأنت تقدر تعمل كدا في أي وقت..  دلوقتي بكرة.. بعد سنة.. مافيش مشكلة في كدا خالص.. لأن نسبة خسارتك فيه نسبية جدا.

نيجي للسؤال التاني ألا وهو.. نبيع الذهب امتى؟

اسمع الجملة دي كويس وركز فيها.. الذهب وعاء إدخاري متوسط لطويل الأجل.. يعني تشتريه وماتبيعوش إلا بعد فترة طويلة.. سنتين.. ٣ سنين.. ٤ سنين.. وقت طويل يعني.

ولو ركزتم في أسعار الذهب من ٣ سنين.. أو ٤ سنين.. هاتلاقيه أقل بكتير من دلوقتي.. يعني حضرتك تصبر وماتستعجلش.. خاصة أنك هاتحتاج تبيعه جدا وقت الأزمات.