قسط فرش منزلك.. تفاصيل قرض السلع المعمرة من البنوك المصرية

بتجهزي ل بنتك علشان تتجوز..بتفكر تجيب أجهزة منزلية زي الغسالة والتلاجة والبوتاجاز.. علشان بنتك تدخل عش الزوجية وفي نفس الوقت مامعكش فلوس تعمل كل دا

ماتشيلش هم.. إحنا لاقينا الحل في أبرز البنوك العامة والتجارية

يعني مثلا.. اية رأيك بصورة البطاقة وإيصال مرافق حديث وبيان بأسعار السلع اللي أنت عايز تشتريها.. تروح بنك مصر وتقولهم عايز نص مليون جنيه قرض السلع المعمرة

طبعاً أنت ممكن ممكن تكون بتقلق من القروض.. وخايف الأقساط تضغط عليك.. إحنا بنقولك ماتشيلش هم دي 

ودا لأنك تقدر تسدد على ١٢٠ شهر.. أنت متخيل الرقم.. يعني ١٠ سنين كاملة.. وعلشان تعمل كدا كل اللي عليك لو كنت موظف أنك تروح أي فرع من فروع البنك بشهادة مفردات مرتب وتعهد من جهة العمل بتحويل الراتب.. إنما لو أنت من أصحاب المعاشات فتقدر تعمل كدا ببيان بقيمة المعاش الشهري من جهة صرف المعاش.. وبيان بالمستفيدين من المعاش.

طيب لو أنت عايز تجيب أجهزة كتير وبأي سعر.. يبقى عليك وعلى بنك قطر الوطني الأهلي واللي بيقدم تمويل بنسبة ١٠٠٪

ودا بقى الميزة بقى هو راحة البال حرفيا.. يعني هايتخصم منك الأقساط المستحقة بشكل أوتوماتيكي من حسابك الجاري أو الجاري ذو عائد

وكمان هاتسدد قيمة القرض على أقساط شهرية ثابتة لتخفيف أعبائك المالية

وبالنسبة لمدة  القرض فهي تبدأ من ٦ شهور وحتى ٦٠ شهر.. يلا روح أي فرع وجهز نفسك علشان بنتك داخلة على جواز