ساعة الحساب دقت.. البنك المركزي يحاسب "تجار" الدولار.. ويوقف عمليات الشراء الوهمية

بقالنا فترة كبيرة.. بنعاني من تلاعب السوق السودة في أسعار الدولار.. وكمان اللي بيحصل في سوق المالي.. من عمليات شراء وهمية.. وغيرها وغيرها من الأمور.. لكن إحنا عندنا برضوا بنك مركزي حرفيًا هو حائط الصد لكل التعديات دي.

البنك المركزي.. اللي منوط به وضع السياسات وضبط أسعار الصرف.. يسكت .. طبعًا مستحيل..بدأ بسرعى في اتخاذ عدد من الإجراءات والقرارات المهمة.. واللي بتستهدف في المقام الأول الحفاظ على الاستقرار النقدي والمالي لمصر.. ودا من خلال وقف الممارسات غير المشروعة اللي بتتعلق بسوق النقد الأجنبي.
ومن أهم القرارات اللي أخذها البنك هو إنه بدأ يحاسب أصحاب عمليات سحب العملة الأجنبية اللي خرجوها برة البلد.. واللي هايتم اتخاذ اجراءات ضدهم بالتنسيق مع الجهات المعنية واللي هاتيجي في إطار وقف التعامل على جميع الحسابات البنكية والمحافظ الإلكترونية الخاصة بالعملاء دول.
مش بس كدا.. دا كمان البنك المركزي تعقب تجار"الدولار" اللي بيحركوا السوق السودة حرفيًا.. وبدأ في محاسبة العملاء اللي  حصلوا على الدولار نقدا ثم بدأوا في  الاتجار به داخل مصر

كمان البنك المركزي تواصل مع البنوك .. ووجه بفحص جميع المعاملات الخاصة بعملائها بالخارج.. ودا كلها قرارات وإجراءات بتم في وقت مهم جدًا ومطلوب