أحمد حنفي الخبير الاقتصادي " الناصح الأمين" يطرح طرق التخلص من الديون

قدم الدكتور أحمد حنفي الخبير الاقتصادي الذي يتمتع بمصداقية كبيرة لدي متابعية علي منصات التواصل الاجتماعي بعض التوصيات الهامة للتخلص من الديون وعدم الوقوع في مستنقع الإفلاس.

الدكتور احمد حنفي الناصح الأمين يضع روشتة التخلص من الديون 

الدكتور أحمد الحنفي أو ما يطلق عليه الناصح الأمين نصح متابعية علي صفحته على موقع التواصل الاجتماعي فيسبوك عدم سداد الديون  بالاستدانه قائلا' يعنى عليك ديون فا تجرى تعمل قروض اخرى فى هذه المرحلة علشان تسدد اللى عليك انت كدا رميت نفسك فى نفق مظلم مش هتخرج منه بسهولة ".

طرق عبقرية للنجاة من الديون القاتلة 

وأشار إلي أن هناك طرق لسداد الديون والتي تتمثل في الآتي.

- تدوين الديون والمصروفات الثابتة شهريا علشان نتخلص من عبء الديون

- تضع الديون اولويات فى مقدمة بنود الصرف الشهرى وفى مقدمة الاكل والشرب والفواتير وايجار السكن لانك لو مديون مش هتعرف تنام

- توفر من استهلاكك للرفاهيات مش وقتها دلوقتى خلص نفسك من القيود اللى متكتف بيها وبعدين فكر فى الكماليات

- تلتزم بمواعيدك فى سداد اى دين لان سمعتك فى الموضوع دا زى شرفك بالظبط لو اتاخد عليك انك بتماطل هتجر وراها الف كلمة وكلمة وعلى ايه نقفل الباب دا

-ابعد بعيد عن الاستدانه للمظاهر مش علشان ابنى يكون احسن من غيره اروح اشترى موبايل ب 27 الف جنيه وارجع اغنى ظلمونى

-اوفر من استهلاكى فى الغير ضرورى لحد ما اخرج من الدين دا

-انك ماتبصش لغيرك وتقلد غيرك وتراعى ربنا فى مالك