ايه اللي بيحصل لحسابك البنكي غير المستخدم؟ وامتى البنك يقفله من غير ما يرجعلك؟
ناس كتير بيكون ليهم حسابات راكدة فى البنوك وما بيستخدموهاش لفترات طويلة.. يا ترى ايه اللى بيحصل للحسابات دي ؟ والبنوك بتعمل ايه مع صحابها ؟ وامتى يحق للبنك اغلاقها من غير ما يرجع لصحابها؟
البنك المركزي المصري كانت منتبه من بدري للموضوع ده ، وأصدر قواعد للتعامل مع هذا النوع من الحسابات واللى بيطلق عليها فى البنوك "الحسابات الراكدة".
المركزي كان حريص انه يأكد على البنوك تقليص عدد حسابات العملاء الراكدة سواء من خلال التواصل مع العملاء لإعادة تنشيط الحسابات أو إغلاق الحسابات دي بعد مرور عام على وصول رصيدها إلى صفر دوناجراء أى معاملات عليها من قبل العميل.
طب العميل لو ليه أكتر من حساب فى نفس البنك وواحد من الحسابات دي راكد البنك بيسمح ليه بتنشيط الحساب باستخدام أي من وسائل الاتصال بالبنك سواء بزيارة فرع من الفروع أو التواصل تلفونيا معمراكز الاتصال أو الإنترنت البنكي
والبنك المركزي ألزم البنوك بالاستجابة لطلبات العملاء بإعادة تنشيط حساباتهم، مع عدم فرض أي رسوم على إعادة تنشيط الحسابات أو إغلاقها فى حالة التواصل من قبل العميل.
طب هل فيه رسوم أو مصروفات ادارية على الحسابات الراكدة؟
اه .. ويتم خصم المصروفات والرسوم من البنوك على النوع ده من الحسابات من رصيد الحساب نفسه، و الحساب اللى رصيده صفر وبيقعد سنة كاملة مش عليه اى تعامل المركزي أتاح للبنوك اغلاقه دون الرجوع للعميل.
لكن لازم البنك يخطر العميل بأي وسيلة متاحة شهريا لمدة 3 شهور قبل اعتبار حساباته راكدة، وكمان لازم إخطار العميل (قبل وبعد إدراج حساباته ضمن الحسابات الراكدة) بالمصروفات الناتجة عن ده ، وكذا إجراءات إعادة التنشيط.
