استلم 3 مليون جنيه قرض شخصي من البنك المصري الخليجي وسددهم على 12 سنة
يتيح البنك المصري الخليجي على القرض الشخصي، ويصل مبلغ القرض الشخصي من البنك المصري الخليجي لـ 3 مليون جنيه، وفترة سداد طويلة جدًا بتمتد لـ 12 سنة، وكمان نسبة الفايدة تنافسية.
أولًا وبعد لما رفع البنك المصري الخليجي قيمة القرض الشخصي لـ 3 مليون جنيه بدل من 2 مليون، فهو بكدا أصبح فى صدارة الجهاز المصرفي اللى بيقدم قروض شخصية للعملاء.. ودا طبعًا شئ مهم وبيساهم فى زيادة أعداد المقترضين من البنك.. ومفيد برضوا للعميل اللى بيكون محتاج مبلغ كبير فى شراء سلع معمرة مثلًا أو للبدء فى مشاريع خاصة بيهم.. أو لتسديد ديون.. وغيرها من الأغراض.
والبنك المصري الخليجي هو واحد من أبرز المصارف الموجودة فى السوق المحلي المصري واللى بتقدم أكبر قدر من المنتجات والخدمات البنكية المختلفة للعملاء.
والبنك حدد أقصى حد لقيمة القرض وهى 3 مليون جنيه واللى بتكون مخصصة بس لموظفي الحكومة، وأى عميل آخر من عملاء المهن الحرة فنسبة الحصول على القرض هى 2 مليون جنيه بس.
ومميزات القرض الشخصي اللى بيقدمه البنك المصري الخليجي كتير جدًا، وأولها مثلًا أن فترة السداد بتمتد لحد 12 سنة، ودا بيخفف عليك ضغوطات كتيرة جدًا لأن الأقساط بتكون أخف من أنها تكون فى فترة قصيرة.. وكمان بتقدر تاخد تأمين على الحياة طول فترة القرض، وبالنسبة لأسعار الفايدة فهي تنافسية ومميزة واللى بيتم تحديدها مع مدير الفرع.
طبعًا هاتسأل عن الإجراءات والشروط.. وهي وببساطة كدا أنك تروح لأى فرع من الفروع وتقدم صورة من البطاقة الشخصية، وفاتورة مرافق حديثة، وكمان إثبات لمصدر دخلك.. وما تقلقش المصاريف الإدارية بتكون من 1.25% وحتى 2.5% بس من إجمالي قيمة القرض.
بس خد بالك.. لازم يكون سنك أكبر من 21 سنة، والحد الأدنى للدخل الشهري الخاص بيك هو 2500 جنيه، وبعد لما تقرى الشروط والأحكام تقدر تستلم المبلغ دلوقتي من أى فرع.
