متي تصرف فوائد البنوك 2022
متي تصرف فوائد البنوك 2022.. الكثير من الناس يتسالون عن اسعار الفائدة على الودائع والشهادات ومتي تصرف تلك الفوائد خاصه في ظل الاقبال الكبير من جانب المواطنين علي الإدخار والاستثمار في البنوك.
حجم الودائع فى البنوك
ارتفعت حجم الودائع بالعملة المحلية بالقطاع المصرفي بخلاف الحكومة إلي 4.308 تريليون جنيه بنهاية أكتوبر 2021 مقابل 4.239 تريليون جنيه بنهاية سبتمبر 2021، بحسب آخر البيانات الصادرة عن البنك المركزي المصري.
ما هي أنواع الأوعية الادخارية التي تطرحها البنوك المصرية
تقوم البنوك المصرية بطرح حزمة متنوعة من الأوعية الادخارية المختلفة التي تتناسب وجميع فئات المجتمع فهناك شهادات استثمار والودائع وحسابات التوفير وكلا منهم له فائدة ولكن افضل تلك الأوعية وأعلاها فائدة هي شهادات الاستثمار.
الفرق بين الوديعة وشهادات الاستثمار
1-شهادات الاستثمار مدتها بتزيد عن سنة وبتوصل لغاية 10 سنين، وده بعكس الودايع اللي بتبدأ من شهر كحد أدني وبتوصل لسنة حد أقصي.
2- تقدر تستخدم مع الوديعتين عملات مختلفة زي الجنيه المصري ،والدولار الأمريكي ،واليورو الأوروبي ، والجنيه الإسترليني.
3-الاتنين بتقدر تختار نسبة الفايدة بتاعتك عليهم مابين فايدة شهرية وربع سنوية ونص سنوية وسنوية
4-سعر الفايدة على الوديعة دايما ثابت مابيتغيرش.
5-لكن بالنسبة لسعر الفايدة على شهادة الاستثمار فبيكون قدامك 3 اختيارات، ما بين:
-سعر الفايدة الثابت زي اللي فى الوديعة، وده أمن جدا لأنه مبيتأثرش بأي تغيير ممكن تعمله قرارات البنك المركزي
-وفي عكسه سعر الفايدة المتغير اللي بيقل ويزيد على حسب السعر اللي بيحدده البنك المركزي.
-وفى نوع تالت مختلف شوية اسمه سعر الفايدة المتراكم، وهو النوع اللي بتتراكم معاه الفايدة فى حسابك ومبتقدرش تستفيد منها غير لما مدة الشهادة تخلص.
ازاي اقدم على واحد من الوديعتين؟
فى طريقتين للتقديم على أي واحدة من الوديعتين، يا إما عن طريق الاتصال بمركز خدمة العملاء في البنك اللي بتتعامل معاه أو أنك تزور واحد من فروعه، وبتحتاج هناك تملي نموذجين، واحد اسمه " KYC " أو "نموذج اعرف عميلك" والتاني النموذج العادي لفتح الحساب البنكي. أهم حاجة قبل ماتقدم تدخل على فايدتي عشان تقارن بين شهادات الاستثمار المختلفة وتختار أنسبها ليك.
